GALATIA 5:4 - KITTA' MATANGKASA'

⁴ Punna erokko assibajiki ammotere' siagang Allata'ala tete ri hukkung-hukkung agamaya, battuanna a'jari tappu'mi passisambungannu siagang Almasi. Jari pantarang pangngamaseanNa mako Allata'ala attallasa'.

GALATIA 5:4 Referans Kwoze

ROMA 11:6

Napilei Allata'ala ke'nanga lanri pangngamaseanNa bawang, jari teai lanri panggaukanna ke'nanga. Nasaba' punna lanri panggaukang baji'na naNapilei Allata'ala rupataua, teaimi pangngamaseang tojeng-tojeng anjo pangngamaseanNa Allata'ala.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.

GALATIA 5:2

U'rangi angkanaya punna nusuro sunnaki kalennu, battuanna tenamo matu-matunna Almasi mae ri kalennu. Kalengku Paulus, ampauangko anne.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.