GALATIA 5:2 - KITTA' MATANGKASA'

² U'rangi angkanaya punna nusuro sunnaki kalennu, battuanna tenamo matu-matunna Almasi mae ri kalennu. Kalengku Paulus, ampauangko anne.

GALATIA 5:2 Referans Kwoze

GALATIA 5:6

Nasaba' punna asse'remi tallasatta siagang Almasi, tenamo naparallu anjo nikanaya mannuruki yareka tena, mae ri paratorang sunnaka. Ia mami parallu anjo tappaka mae ri Almasi; na anjo tappaka ma'nassai lalang ri pangngamaseanta mae ri paranta tau.

LAMPA-LAMPANA 15:1

Nia'mo siapa are tu battu ri Yudea mange ri Antiokhia. Naajara'mi tau tappaka ri Antiokhia angkanaya takkulleai salama' ke'nanga, punna tena nanisunnaki ke'nanga situru' Napassuroanga Allata'ala, le'baka napangngajarrang Musa.

IBRANI 4:2

Nasaba' sangkamma mae ri ke'nanga, anjo Kabara' Bajika le'ba'mi nibirittakang mae ri katte. Mingka tena matu-matunna nipabattu anjo birittaya mae ri ke'nanga. Nasaba' tena natappa' ke'nanga ri wattunna nalangngere' anjo birittaya.

GALATIA 5:11

Na inakke, sari'battangku ngaseng, apa saba'na nakutuli nimusu punna kubirittakang angkanaya parallui anjo paratoranna sunnaka? Punna kamma memang anjo kubirittakanga, tenamo na'jari passala' punna kubirittakang anjo Salli'Na Almasi.

2 KORINTUS 10:1

Kamma-kamma anne, kalengku Paulus, nia' ero' kupabattuangko. Inakke anne, turu' kananna taua, sanna' tunana kana-kanangku punna sidallekanga' siagang ikau ngaseng. Mingka punna sikabellaiki' sanna' baraniku. Jari, lanri tunaNa siagang kabajikanNa Almasi,

LAMPA-LAMPANA 15:24

Nia' kabara' nalangngere' ikambe angkanaya nia' siapa are tau battu ri kambe le'ba' mae ri kau ngaseng assareko pangngajarang sala, sa'gennu a'jari lussa' siagang lingu napakamma ke'nanga. Sikontutojenna teai ikambe assuroi anjo ke'nanga battu mae ri kau ngaseng anggaukangi anjo kammaya.

1 TESALONIKA 2:18

Usaha maki' ero' battu angkunjungiko; na inakke Paulus, la'bima' ri sikalia ancobai, mingka tuli nihalangia' ri Billisika.

FILEMON 1:9

Mingka lanri kukarimangnginnu, kupala'ji bawang mae ri kau. Inakke anne toama', siagang nitahanga' lalang ri tarungkua ri kamma-kammaya anne passabakkang Isa Almasi.

1 KORINTUS 16:21

Kutambai pole sallang kutulisika kalengku: Sallang battu ri nakke, Paulus.

LAMPA-LAMPANA 15:5

Mingka nia'mo siapa are tu Farisi tappakamo, ammenteng angkana, “Musti nisunnaki anjo bansa-bansa maraenga, siagang musti naturuki apa-apa napassuroanga Allata'ala, le'baka napabattu Musa.”

FILEMON 1:19

Jari baji'mi nakutulisi' kalengku anrinni angkanaya: Inakkepa Paulus ambayara' ngasengi sallang. (Tantu tena naparallu kupappiu'rangiang angkanaya kalennu pole kainrangang tongko mae ri nakke, iamintu lanri katallassang berunu salaku tu Karisteng.)