GALATIA 5:12 - KITTA' MATANGKASA'

¹² Bajikangangi punna assulu' memang battu ri jama'aka anjo tau angkacoai pikkirannu!

GALATIA 5:12 Referans Kwoze

GALATIA 5:10

Mingka manna nakamma, tappa' ija' angkanaya tena nulamminawang mae ri oloang maraenga, lanri asse'remi tallasatta siagang Almasi. Siagang tappa' tonga' angkanaya manna inai, punna nakacoi pikkirannu lanihukkungi ri Allata'ala.

TITUS 3:10

Punna nia' tau appasisala-sala lalang ri jama'aka, parallui nupakainga' sikali yareka pinruang; le'baki anjo punna taeroka mappilangngeri tea' mako agangi pole sipa'rappungang.

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

KAIMANGNGANG 22:3

Punna nia' jari-jarinu ia ra'masaka anreppesi sikamma passare matangkasa' le'baka nasa'la' bansa Israel untu' iNakke, takkulleami a'jari palayang ri tampa' pakkoro'bangnganga. Anjo paratoranga tappakei sa'genna satunggu-tungguna. INakke Batara.

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

KALAPPASSANG 12:15

Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

PA'JARIANG 17:14

Sikamma bura'-bura'ne tenaya nisunnaki tenamo nalanibilang anggota ummakKu, lanri tenana nanna'gala' mae ri anjo parjanjianga.”

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

LAMPA-LAMPANA 15:24

Nia' kabara' nalangngere' ikambe angkanaya nia' siapa are tau battu ri kambe le'ba' mae ri kau ngaseng assareko pangngajarang sala, sa'gennu a'jari lussa' siagang lingu napakamma ke'nanga. Sikontutojenna teai ikambe assuroi anjo ke'nanga battu mae ri kau ngaseng anggaukangi anjo kammaya.

LAMPA-LAMPANA 5:9

Nakanamo Petrus ri ia, “Angngapa nusikongkolo' siagang bura'nennu ero' ancobai RohNa Batara? Pilangngerimi! Ammotere'mi tau mangea antarawangi bura'nennu. Lanaerang tongko ke'nanga assulu'.”

LAMPA-LAMPANA 5:5

Kamma nalangngere'na Ananias anjo kana-kana napaua Petrus, tu'guru'mi, namate. Sikontu tau allangngerekai anjo apa kajarianga, a'jari malla' ngasemmi.

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

YOSUA 7:12

Iaminjo saba'na natenamo nakkulle attahang ke'nanga andallekangi musua. Nitunrungi nipamono' boko ke'nanga ri musua, lanri kalenna ke'nanga nipitujuimi hukkungang untu' niancuru'. Tenamo nalaKururungangko, punna tenapa naniancuruki anjo barang-barang tenaya nakkulle nialle.

PAOLE 23:1

“Tau le'baka nipasulu' lisere' katauanna, yareka le'baka nipolong katauanna takkuleai a'jari umma'Na Batara.

PA'JARIANG 30:34

Appialimi Laban angkana, “Situjua'! Baji'mi nanigaukang anjo pappala'nu!”