GALATIA 5:10 - KITTA' MATANGKASA'

¹⁰ Mingka manna nakamma, tappa' ija' angkanaya tena nulamminawang mae ri oloang maraenga, lanri asse'remi tallasatta siagang Almasi. Siagang tappa' tonga' angkanaya manna inai, punna nakacoi pikkirannu lanihukkungi ri Allata'ala.

GALATIA 5:10 Referans Kwoze

GALATIA 5:12

Bajikangangi punna assulu' memang battu ri jama'aka anjo tau angkacoai pikkirannu!

FILIPI 3:15

Ikatte, tau toayamo ri katallassang rohania, musti nigaukangi kammaya anjo. Mingka punna nia' ri kau maraeng panggappana, KalenNa Allata'ala lampakasingaraki pole mae ri kau.

GALATIA 1:7

Sikontutojenna tena “kabara' baji' maraeng”. Mingka nia'naji bawang siapa are tau ambirittakangi mae ri kau “kabara' baji'” ri sesena Almasi, nanaputara' bale' anjo kabaraka sa'gennu nipa'jari lingu.

2 KORINTUS 2:3

Iaminjo saba'na nakutulisi' anne suraka mae ri kau. Taeroka' angkunjungiko, nampa nupakasi'na pa'maikku. Sikontutojenna musti nupakarannui pa'maikku. Nasaba' tappaka' angkanaya punna rannua', amminawang ngaseng todong mako rannu.

1 TIMOTIUS 1:20

Kammayami Himeneus siagang Aleksander. Anjo tau ruaya le'ba'mi kupassareang mae ri Billisika, sollanna akkulle ke'nanga appilajara' ammari ancalla-callai Allata'ala.

GALATIA 6:17

Kammayatompa pole, poro tena lalomo manna sitau ansusaia' pole; nasaba' nia'mi butti-buttina ri kalengku, angkanaya ma'nassa ana' gurunNa' Isa.

GALATIA 4:17

Lompoi sumanga'na tau maraenga amboyako, mingka tena nabaji' pattujunna ke'nanga. Ero'naji ke'nanga antappuki passisambunganta, sollanna akkulle lompo sumanga'nu amminawang mae ri ke'nanga.

GALATIA 3:1

Sikamma sari'battangku niaka ri Galatia! Teai sipato' dongo'nu. Maka inai le'ba' angngajara' salako? Le'ba'mi kupakasingara' baji'-baji' mae ri kau battuanna anjo kamateanNa Almasi ri kayu sallika!

GALATIA 2:6

Mingka manna nakamma, tena apa-apa maraeng lakkulle napala' tau nipakala'birika mae ri nakke – untu' inakke tena simmaraenna tau nipakala'birika yareka tena, nasaba' tena Napasimmara'-maraengi Allata'ala rupataua.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

2 KORINTUS 10:6

Na punna amminawang turu' ngaseng mako, sadiami ikambe untu' anghukkungi sikamma tau tenaya namminawang turu'.

1 KORINTUS 5:5

Musti nupassareangi anjo taua mae ri Billisika; sollanna panra' tubuna siagang lanri kammana nanipasalama' rohna ri wattu battuna pole ammotere' Batara.

LAMPA-LAMPANA 15:24

Nia' kabara' nalangngere' ikambe angkanaya nia' siapa are tau battu ri kambe le'ba' mae ri kau ngaseng assareko pangngajarang sala, sa'gennu a'jari lussa' siagang lingu napakamma ke'nanga. Sikontutojenna teai ikambe assuroi anjo ke'nanga battu mae ri kau ngaseng anggaukangi anjo kammaya.

FILEMON 1:21

Tappa' sikalia' ri wattunna kutulisi' anne suraka, angkanaya lanuturukianga' anne pappalakku. Na memang kuassengi angkanaya lala'biangangi pole lanuturukingku.

2 TESALONIKA 3:4

Siagang ma'nassa tappa' tojeng-tojengi ikambe mae ri Batara ri passala'nu, angkanaya kamma-kamma anne nugaukangi siagang latuli nugaukangi apa napassuroanga ikambe mae ri kau ngaseng.

GALATIA 4:20

Sanna' nakkukku ero' nia' ri tangnga-tangnganu ri kamma-kammaya anne; sollangku akkulle a'bicara sa'ra maraeng mae ri kau, lanri takuassengami angkanaya apa mami lakugaukang mae ri kau!

GALATIA 4:11

Bata-batai nyawaku, gassingka la'jari sia-siaji posoku mae ri kau.

2 KORINTUS 13:10

Iaminjo saba'na nakutulisi' anne suraka, lalang tenanapa nakunia' ri tangnga-tangnganu. Jari, punna battua' sallang, tenamo naparallu kupake katerassanga mae ri kau siagang kakoasang Napassareanga Batarata mae ri nakke. Anjo kakoasanga Napassareangi mae ri nakke Batara untu' ambangungko. Teai untu' lanruntungko.

2 KORINTUS 10:2

kupala' dudui ri kau ngaseng, tea' laloko passaia' sa'gengku a'bicara terasa' punna battua' sallang mae ri kau. Nasaba' eroki kuterassi sikamma tau angkanaya untu' pakkalinoanga nanagaukangi ikambe anne jama-jamanga.

2 KORINTUS 8:22

Nia' pole sitau sari'battang maraeng kusuro todong amminawang ri Titus siagang anjo sari'battanga. A'mole-molemi niuji anjo sari'battanga, na'buttimo angkanaya nangai annulunga. Na kamma-kamma anne, la'bi-la'bi pole ero'na ambantu ngasengko, nasaba' nia'na panrannuang lompona mae ri kau ngaseng.

2 KORINTUS 7:16

Sannang sikali pa'maikku, lanri akkullenu nirannuang.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

2 KORINTUS 2:6

Anjo tau kammaya angganna'mi hukkungang nagappaya ri tangnga-tangnganu.

2 KORINTUS 1:15

Lanri tappakkumo ri anne passalaka nakuero'mo pirangalloang battu angkunjungi ngasengko, sollanna a'lappi rua barakka' nugappaya.

GALATIA 5:7

Riolo attojeng-tojeng mako anggaukang bajiki jama-jamannu! Mingka kamma-kamma anne, angngapa natenamo numannuruki mae ri ero'Na Allata'ala? Inai le'ba' anynyonyo' salako?