GALATIA 4:12 - KITTA' MATANGKASA'

¹² Sari'battangku ngaseng! Kupala' dudui mae ri kau sollannu a'jari sangkamma inakke. Nasaba' inakke a'jari sangkamma tomma' ikau. Tena apa-apa kasalang le'ba' nugaukang mae ri nakke.

GALATIA 4:12 Referans Kwoze

2 KORINTUS 2:5

Punna nia' tau a'jari passabakkang ri anne si'naya, teai kalengku bawang napitujui, mingka ikau ngaseng, yareka kaminang sike'de'na attawa ruako napitujui. Anne kulammai sike'de' bicarangku mae ri anjo taua.

1 KARAENG-KARAENG 22:4

Ri wattunna battu Yosafat, akkuta'nammi Ahab angkana, “Erokko nakia'lampa siagang mange ambunduki kota Ramot?” Appialimi Yosafat angkana, “Baji'mi! A'lampaki' siagang. Tantaraku siagang pasukang a'jarangku lasse'rei siagang tantaranu siagang pasukang a'jarannu.

PA'JARIANG 34:15

Iapa nasituju ikambe ri pappala'nu punna akkulle nugaukang anne se'rea passala', iamintu: Ikau ngaseng akkulleko sangkamma ikambe, iamintu sikontu bura'nea musti nisunnaki.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”

2 KORINTUS 6:13

Jari boli'mi kamma naku'bicaramo mae ri kau sanrapang mae ri ana' kalengku. Kupalaki sollanna nusungke tommo atinnu mae ri kambe, sangkamma nasungkenamo atinna ikambe mae ri kau.

LAMPA-LAMPANA 21:21

Na kamma-kamma anne nalangngere'mi ke'nanga angkanaya le'ba'mi nuajara' sikamma tu Yahudi niaka ammantang ri tangnga-tangngana bansa maraenga, sollanna nabokoimo ke'nanga anjo sikamma parentaNa Allata'ala napabattua Musa. Nupakainga'mi ke'nanga sollanna tenamo nanasunnaki ana'-ana'na ke'nanga, yareka tenamo nanaturuki ke'nanga ada'-ada'na tu Yahudia.

GALATIA 6:18

Poro tuli nibarakkaki ngasengko ri Batarata Isa Almasi. Aming. Sallangku, Paulus

2 KORINTUS 6:11

Sikamma sari'battang kukarimangngia ri Korintus! A'bicara maki' silambusu'na mae ri kau ngaseng. Sikontu bonena atinta nipauang ngaseng mako.

GALATIA 4:11

Bata-batai nyawaku, gassingka la'jari sia-siaji posoku mae ri kau.

GALATIA 4:13

Tantu nuu'rangi iji apa saba'na ri uru-uruna nakubirittakang anjo Kabara' Bajika mae ri kau. Saba'na, iamintu lanri natabaku garring.