GALATIA 3:9 - KITTA' MATANGKASA'

⁹ Tappa'mi Abraham, jari nibarakkakimi. Kammatommi anjo sikontu rupataua. Punna tappaki, lanibarakkaki siagang Abraham.

GALATIA 3:9 Referans Kwoze

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

GALATIA 3:29

Punna taunnako Almasi, a'jari sossoranna mako Abraham. Siagang lanutarimami apa le'baka Napa'janjiang Allata'ala.

ROMA 4:24

passangalinna untu' ikatte ngaseng pole. Lanitarima tongki' a'jari tau nikarannuanga ri atinNa Allata'ala, lanri tappatta mae ri Allata'ala, le'baka ampattallasa' poleangi ammotere' Isa, Batarata, battu ri kamateanga.

GALATIA 4:28

Sari'battangku ngaseng! Ikau ana'-ana'Na ngasengko Allata'ala, nilassukanga lanri janjinNa Allata'ala; sangkammako Ishak.

ROMA 4:11

Ri bokopi nampa nisunnaki Abraham. Na anjo sunnaka poro a'jari pammateiji bawang angkanaya nitarimami a'jari tau nikarannuang ri atinNa Allata'ala, lanri tappa'na mae ri Allata'ala. Natarimami ri Allata'ala ri wattu tenanapa naturuki atorang sunnaka. Na'jarimo Abraham bapa' rohanina sikontu tau tappaka mae ri Allata'ala; na lanri kammana minjo nanitarimamo taua a'jari tau nikarannuang ri atinNa Allata'ala, manna natanaturukia atorang sunnaka.

GALATIA 3:14

Nagaukammi Almasi kammaya anjo, sollanna nisare todong bansa-bansa maraenga barakka' le'baka Napa'janjiang Allata'ala mae ri Abraham. Jari, ikatte tau tappaka mae ri Allata'ala, akkulle tommaki' anggappai anjo Roh Napa'janjianga Allata'ala.

PA'JARIANG 24:1

Sanna' sikalimi toana Abraham, siagang nibarakkakimi ri Batara ilalang ri sikontu-kontua passala'.