GALATIA 3:10 - KITTA' MATANGKASA'

¹⁰ Sikamma tau tanjenga mae ri hukkung-hukkung agamaya, laniparawa ngasengi ri pangngalarroiNa Allata'ala. Nasaba' nia' tattulisi' lalang ri Kittaka angkanaya, “Inai-nai tena najarre' anggaukangi apa-apa tattulisika lalang ri Kitta' Hukkung Agamaya, langgappai pangngalarroi battu ri Allata'ala!”

GALATIA 3:10 Referans Kwoze

PAOLE 27:26

‘Nitunrai tau tenaya namannuruki ri sikontu hukkunNa siagang paratoranNa Allata'ala.’ ‘Aming!’ ”

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

YEREMIA 11:3

iNakke, Karaeng Allata'alana Israel, antunrai inai-nai mamo tenaya namannuruki ri sara'-sara'na anjo parjanjianga.

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

GALATIA 2:16

Mingka niassengi angkanaya lanri tappa'na taua mae ri Isa Almasi nakkulle assibajiki ammotere' siagang Allata'ala; teai lanri nagaukanna hukkung-hukkung agamaya. Ikambe pole, tappa' tommaki' mae ri Isa Almasi; sollanta akkulle assibajiki ammotere' siagang Allata'ala tete ri anjo matappatta. Jari teai lanri kigaukanna hukkung-hukkung agamaya. Nasaba' tena manna sitau lakkulle assibajiki ammotere' siagang Allata'ala lanri nagaukanna hukkung-hukkung agamaya.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

PA'JARIANG 4:11

Nataba mako pattunra sa'genna takkulleamo nuusahai buttaya. Allammasa'mi cera'na ri anjo buttaya, sanrapang angkanaya nasungkemi bawana untu' antarimai cera'na andi'nu ri wattunna nubuno.

2 KORINTUS 3:7

Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

YEREMIA 32:23

Mingka ri wattunna battu ke'nanga mae anrinni ri pa'rasanganga siagang naempoi, tenamo namannuruki ke'nanga ri parenta-parentaTa, kammayatompa taerokai attallasa' situru' ajarang-ajaranTa. Sikontu apa Kiparentakanga mae ri ke'nanga tena manna se're nagaukang ke'nanga. Lanri kammana anjo naKipabattumo sikontu anne balaya mae ri ke'nanga.