GALATIA 2:7 - KITTA' MATANGKASA'

⁷ Ba'lalo anjo nicini' tu nipakala'birika namangakuimi angkana Allata'ala assuroa' ambirittakangi anjo Kabara' Bajika mae ri bansa-bansa maraenga. Sangkamma todong Iami assuroi Petrus ambirittakangi anjo Kabara' Bajika mae ri bansa Yahudia.

GALATIA 2:7 Referans Kwoze

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

1 TESALONIKA 2:4

Teai kammaya anjo! Tena na'bicara ikambe lanri ero'na napakasannang nyawana taua, passangalinna lanri ero'na ikambe ampakasannangi atinNa Allata'ala, angngassengai atinna ikambe. Nasaba' Iami assarei pangngellai ikambe untu' ampa'la'bangi anjo Kabara' Bajika.

GALATIA 1:16

Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.

2 TIMOTIUS 1:11

Untu' iaminjo Kabara' Bajika lanibirittakang naNaangkaka' Allata'ala a'jari tunisuro siagang guru.

1 TIMOTIUS 1:11

Anjo pangngajaranga niaki lalang ri Kitta' Kabara' Bajika ia nipassuroanga mae ri nakke untu' nipa'la'bang, iamintu Kabara' Baji' mala'birika battua ri Allata'ala siagang siratanga nipuji.

GALATIA 2:9

Anjo Yakobus, Petrus, siagang Yohanes a'jari pamimpinga mae ri jama'ah-jama'aka; namangakui ke'nanga angkana ma'nassa Allata'ala assarea' anne jama-jamang matangkasaka. Jari assijamakkimi ke'nanga siagang Barnabas, na inakkemi a'jari pammateina anjo passari'battanganga. Nampa assamaturu' ngasemmo ke'nanga siagang ikambe angkanaya ikambemi lanjama ri tangnga-tangngana bansa-bansa maraenga, na ke'nanga lanjama ri tangnga-tangngana bansa Yahudia.

2 PETRUS 3:15

Pakemi anjo kasa'barranNa Batara a'jari kasampatang Napassareang mae ri kau sollannu akkulle salama'. Kamma tomminjo le'baka napau Paulus lalang sura'na mae ri kau. Pangngajara' battu ri Allata'ala nanatulisi' Paulus anjo kana kammaya mae ri kau.

1 KORINTUS 9:17

Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

LAMPA-LAMPANA 28:28

Kala'busanna, nakanamo Paulus, “Musti nuasseng ngasengi sari'battang, angkanaya nipabattumi anne kabara' kasalamakkang battua ri Allata'ala mae ri bansa-bansa maraenga. Nalanapinawammo ke'nanga anne kabaraka!” [

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

LAMPA-LAMPANA 15:12

Tenamo nania' akkana sikontu anjo tuniaka assirapakkang. Nampa napilangngerimo ke'nanga Barnabas siagang Paulus ancarita poleangi sikamma anjo gau'-gau' appakalannasa' le'baka Nagaukang Allata'ala lalang ri kalenna ke'nanga ri tangnga-tangngana bansa maraenga.

ROMA 11:13

Mingka kamma-kamma anne bajiki punna a'bicara' mae ri sikamma sari'battang bansa maraenga. Anne siapaya sallona, a'jariku tunisuro mae ri bansa-bansa maraenga, teai sipato' kupakalompona anjo jama-jamangku.

ROMA 1:5

Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.

GALATIA 1:6

Lannasaka' mae ri kau ngaseng sari'battang! Nasaba' le'ba' mako nikio' ri Allata'ala lanri pangngarimangnginNa tete ri Almasi. Mingka kamma-kamma anne teai sipato' linta'nu ambokoi Allata'ala. Amminawangko mae ri “kabara' baji'” maraengannaya na Kabara' Baji' battua ri Allata'ala.

GALATIA 1:18

Tallun taung ribokoanganna, a'lampama' mange ri Yerusalem, ero' assiasseng siagang Petrus. Ammantamma' siagang ia sampulo allima allonna.

GALATIA 2:11

Ri wattunna battu Petrus ri Antiokhia kupakaingaki silambusu'na, lanri salai batena appanggaukang.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”