GALATIA 1:6 - KITTA' MATANGKASA'

⁶ Lannasaka' mae ri kau ngaseng sari'battang! Nasaba' le'ba' mako nikio' ri Allata'ala lanri pangngarimangnginNa tete ri Almasi. Mingka kamma-kamma anne teai sipato' linta'nu ambokoi Allata'ala. Amminawangko mae ri “kabara' baji'” maraengannaya na Kabara' Baji' battua ri Allata'ala.

GALATIA 1:6 Referans Kwoze

2 KORINTUS 11:4

Nasaba' kamma kusa'ring tuli sannangko antarima ngasengi tau battua mae ri kau angngajara' ri sesena Isa maraengannaya; jari teai Isa kipangngajarranga mae ri kau napangngajarrang ke'nanga. Na nuero' todong antarimai anjo roh siagang “kabara' baji'” sanna' sikali simmaraenna siagang RohNa Allata'ala yareka Kabara' Baji' le'baka nutarima battu ri kambe.

YESAYA 29:13

Nakana Batara, “Anjo taua nasombA' siagang bawana, mingka atinna lalang bellai ri Nakke. Agamana ke'nanga poro atorang napare'ji rupataua, untu' niapele'ji bawang.

PAMMUJI 106:13

Mingka linta'mi nakaluppai ke'nanga apa le'baka Nagaukang Batara siagang anggaukang apa-apa tamappala' tangara'Na.

1 TIMOTIUS 1:3

Kukellaiko sollannu ammantang ri Efesus. Anne le'ba' mako kupauang baji'-baji' ri wattungku mange ri daera Makedonia. Nasaba' nia' siapa are tau ri Efesus angngerang pangngajarang sala. Na parallu nupammari angngajara' sala anjo ke'nanga.

1 KORINTUS 4:15

Nasaba' inakkemi a'jari manggenu ngaseng, manna pole ebara' angkana nia'mo sampulo sa'bu gurunnu. Lalang attallasa'numo a'jari se're siagang Almasi inakkeji bawang a'jari manggenu, nasaba' inakke ampabattui anjo Kabara' Baji' battua ri Isa Almasi mae ri kau.

LAMPA-LAMPANA 15:11

Kabalekanna, kamma-kamma anne tappakki', angkanaya iaji nikkulle salama' lanri pangngamaseanNa bawang Batara Isa; kamma le'ba' tommi anjo ke'nanga.”

GALATIA 5:4

Punna erokko assibajiki ammotere' siagang Allata'ala tete ri hukkung-hukkung agamaya, battuanna a'jari tappu'mi passisambungannu siagang Almasi. Jari pantarang pangngamaseanNa mako Allata'ala attallasa'.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

1 TIMOTIUS 1:14

Mingka ba'lalo nipila'bi-la'bianga' kalammorang pangngamaseang ri Batarata. Nasarea' pakkulle untu' tappa' ri Ia, siagang pangngamaseang akkullea nipatang punna asse'reki' siagang Isa Almasi lalang ri katallassanta.

PAPPICINI' 22:21

Poro Napassareangi barakka'Na Batara Isa mae ri sikontu Umma'Na Allata'ala!

2 TIMOTIUS 2:1

Anakku Timotius! Paralluko a'jari majarre' lanri pangngamaseang malammoro' nipassareanga mae ri katte, lanri asse'reta siagang Isa Almasi.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

2 TESALONIKA 2:14

Tete ri Kabara' Baji' napabattua ikambe mae ri kau ngaseng naNakiokko Allata'ala. Nakiokko Allata'ala, lanri eroki Allata'ala sollanna nunggappa todong pammantangang lalang ri kalompoanNa Batarata Isa Almasi.

ROMA 5:2

Nasaba' tappa' maki' mae ri Isa Almasi, nisare maki' pakkulle ampahang bajiki pangngamaseanNa Allata'ala, siagang lanri iaminjo pangngamaseanga nakiattallasa' kamma-kamma anne. Lanri kammaminjo narannumo pa'maitta, nasaba' nia'mo panrannuanta angkanaya akkullei nikasia' mate'nea, laNapassareanga Allata'ala!

YOHANES 9:30

Appialimi anjo taua nakana, “Appakalannasa' sikali punna tena ngaseng nanuassengi angkanaya battu kemae assala'Na, nakule'ba'mo anne Naballei sa'gengku akkulle accini'.

2 PETRUS 1:3

Le'baki Napake koasa kakaraenganNa Allata'ala untu' assareki' sikontu apa-apa niparalluanga sollanta akkulle anynyomba ri Ia lalang tallasatta. Nagaukangi kammaya anjo tete ri mangngassenta mae ri Isa Almasi le'baka angkiokki' sollanna akkulle todong nikasia' kalompoanNa siagang kabajikanNa.

1 PETRUS 1:15

Mingka, paralluko matangkasa' lalang sikontu apa nugaukanga, sangkamma matangkasa'Na anjo Allata'ala angkiokako.

MARKUS 6:6

Lannasaki Isa lanri tenana natappa' ke'nanga ri Ia. Nampa a'lampa Isa mange angngajara' ri kampong niaka a'reppese' anjoreng.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

ROMA 8:30

Kammaminjo bateNa Allata'ala angkioki sikamma tau le'baka Napattantu memang la'bi riolo; na sikamma anjo tau Nakioka nisare oloang assibajiki ammotere' siagang Allata'ala. Na sikamma anjo tau le'baka nisare oloang assibajiki ammotere' siagang Allata'ala, nisare tommi pammantangang lalang katallassang KalenNa Allata'ala.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

GALATIA 1:7

Sikontutojenna tena “kabara' baji' maraeng”. Mingka nia'naji bawang siapa are tau ambirittakangi mae ri kau “kabara' baji'” ri sesena Almasi, nanaputara' bale' anjo kabaraka sa'gennu nipa'jari lingu.

GALATIA 1:11

Musti nuassengi angkanaya anjo Kabara' Baji' kubirittakanga, teai kabara' battu ri rupataua.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

GALATIA 2:2

A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.

GALATIA 2:5

Mingka manna sike'de', takkuleaki' anturukiangi ero'na ke'nanga, nasaba' erokki' angkatutui anjo Kabara' Bajika, sollanna tuli majarre' ri kau ngaseng.

GALATIA 2:7

Ba'lalo anjo nicini' tu nipakala'birika namangakuimi angkana Allata'ala assuroa' ambirittakangi anjo Kabara' Bajika mae ri bansa-bansa maraenga. Sangkamma todong Iami assuroi Petrus ambirittakangi anjo Kabara' Bajika mae ri bansa Yahudia.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”

GALATIA 5:14

Nasaba' anjo sikontu bonena hukkung agamaya le'ba'mi nipakabodo a'jari se're hukkung, iamintu angkanaya, “Parallui nukamaseang parannu tau sangkamma nukamaseanna batangkalennu.”