GALATIA 1:5 - KITTA' MATANGKASA'

⁵ Nipujimi Allata'ala sa'genna satunggu-tungguna. Aming.

GALATIA 1:5 Referans Kwoze

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

YUDAS 1:25

Iami Allata'ala, tenaya ruanNa; Iami ampasalamakki' tete ri Isa Almasi Batarata. Iami Allata'ala Mala'birika, Malompoa, Makoasaya, kammayatompa Magassinga battu riolo sa'genna kamma-kamma anne kammayatompa sa'genna satunggu-tungguna! Aming.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAPPICINI' 7:12

Akkio'mi ke'nanga angkana, “Aming! Nipujimi Allata'ala Mala'birika siagang Mabajika. Iami siratanga nipitujui alla'bi-la'bi kasukkurang siagang pappakalompo. Iami makoasa siagang magassing sa'genna satunggu-tungguna! Aming.”

PAPPICINI' 5:12

Siagang sa'ra lompo, nakana, “Anjo Ana' Gimbala' le'baka nisamballe, siratangi annarima koasa, kakalumanynyangang, kacara'dekang siagang kagassingang; siratangi nipakalompo, nipakala'biri' siagang nipuji-puji!”

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

1 PETRUS 5:11

Iami makoasa sa'genna satunggu-tungguna! Aming!

2 TIMOTIUS 4:18

Memang, tuli laNalappassanga' Batara battu ri sikontu usaha ja'dalaka mae ri kalengku. LaNaeranga' siagang salama' antama' ri KakaraenganNa ri suruga. Poro nipakala'biriki sa'genna satunggu-tungguna! Aming.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

FILIPI 4:20

Nipujimi Allata'ala Manggeta sa'genna satunggu-tungguna. Aming!

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!

ROMA 16:27

Iami Allata'ala tenaya ruanna, kaminang bajika siagang annabaya. Poro Iami nipakalompo sa'genna satunggu-tungguna, lalang ri Isa Almasi! Aming! Sallangku, Paulus, atanNa Isa Almasi

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

YESAYA 42:12

Boli'mi kamma napakala'biri' Batara ke'nanga, na napa'la'bang arenNa ri sikamma pa'rasangang bellaya.

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

PAMMUJI 41:13

Kitulunga' lanri kalambusangku, siagang Kipa'jaria' attallasa' siagang iKatte sa'genna satunggu-tungguna.

1 PATTOTTORANG 29:13

Kamma-kamma anne, o Allata'alana ikambe, appala' sukkuruki ikambe mae ri Katte, siagang mammuji ikambe ri areng mala'biritTa.

1 KORINTUS 8:13

Lanri kammana, punna passabakkang apa kukanrea nadoraka sari'battangku, tena sikalimo nakuero' angkanrei anjo dageng kammaya. Nasaba' gassingka passabakkang inakke nadoraka sari'battangku.