GALATIA 1:16 - KITTA' MATANGKASA'

¹⁶ Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.

GALATIA 1:16 Referans Kwoze

MATIUS 16:17

Nakanamo Isa, “Upa' sikaliko kau Simon ana'na Yona! Nasaba' teai rupataua ampauangko anne, mingka ManggeKu ri suruga.

EFESUS 6:12

Nasaba' teai rupataua bawang laniewa, passangalinna kagassinganna pole setang-setang makoasaya ri anne jammang ja'dalaka. Ia laniewaya iamintu kagassinganna pole roh-roh ja'dalaka, makoasaya todong ilalang ri anne linoa.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

ROMA 11:13

Mingka kamma-kamma anne bajiki punna a'bicara' mae ri sikamma sari'battang bansa maraenga. Anne siapaya sallona, a'jariku tunisuro mae ri bansa-bansa maraenga, teai sipato' kupakalompona anjo jama-jamangku.

LAMPA-LAMPANA 22:21

Mingka Nakanamo pole Batara mae ri nakke, ‘A'lampamako, nasaba' laKusuroko a'lampa mange ri tampa'-tampa' bellaya, mange ri bansa-bansa maraenga.’ ”

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

MATIUS 26:41

A'jaga-jaga mako siagang appala' doang mako, sollanna tena nanukasiaki paccobaya. Ero' memanji nyawaya anggaukangi tojenga, mingka tamakkulleai tubua lanri lammana.”

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.

IBRANI 2:14

Nasaba' anjo sikamma tau Nakanaya ana', iamintu tau akkullea mate, napa'jarimi KalenNa Isa sangkamma kalenna ke'nanga, siagang attallasa'mi sangkamma rupataua. Kammami anjo Nagaukanga, sollanna lanri kamateanNa nakkullemo Nabeta sa'genna posso' Billisika, iamintu makoasaya ri kamateanga.

2 TIMOTIUS 1:11

Untu' iaminjo Kabara' Bajika lanibirittakang naNaangkaka' Allata'ala a'jari tunisuro siagang guru.

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

GALATIA 2:1

Sampulo angngappa' taung ribokoanganna, ammotere'ma' mange ri Yerusalem siagang Barnabas, kammayatompa nakuerang todong Titus.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

1 KORINTUS 15:50

Ia natabaya kanangku, sari'battangku ngaseng, iamintu: anjo tubu nipa'jaria battu ri assi siagang cera', takkulleai antama' ri Lino BeruNa Allata'ala; siagang anjo tubu akkullea mate takkulleai a'jari tubu mannannungang.

LAMPA-LAMPANA 5:42

Na allo-allonamo angngajara' ke'nanga ri Balla'Na Batara siagang ri balla'na ngaseng taua. Tuli napabattumi ke'nanga Kabara' Bajika lalang arenNa Isa, angkanaya Iami anjo Karaeng Mappasalama' le'baka nipa'janjiang.

LAMPA-LAMPANA 9:20

A'lampami mange ri sikamma balla' sambayanga, nappakkaramulamo ampabattui angkanaya, iaminjo Isa Ana'Na Allata'ala.

ROMA 1:5

Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.