GALATIA 1:1 - KITTA' MATANGKASA'

^1-3 Natarimai sikamma sari'battanga, iamintu jama'ah-jama'ah niaka ri sikontu butta Galatia. Battu ri nakke Paulus kammayatompa sikamma tu Karisteng niaka kuagang anrinni; ma'minasaki' nuporo nibarakkaki siagang nisare ngaseng katallassang salewangang battu ri Allata'ala Manggea, siagang battu ri Almasi. Inakke, teai tete ri rupataua nakuniangka' a'jari tunisuroNa Allata'ala; passangalinna tete ri Isa Almasi, siagang Allata'ala Manggeta le'baka ampabangung poleangi Almasi battu ri kamateanga.

GALATIA 1:1 Referans Kwoze

1 KORINTUS 1:1

Sikamma sari'battangku, anggota jama'aNa Allata'ala ri Korintus! Le'ba' mako nikio' ri Allata'ala a'jari umma'Na, lanri taunNako Isa Almasi; assiagang ngaseng sikontu tau niaka ri kere-keremae anynyomba ri Batarata Isa Almasi, iamintu Batarana ke'nanga siagang Batarata todong. Inakke Paulus siagang sari'battanta Sostenes, ma'minasa poro nibarakkakiko siagang nisare ngasengko salewangang ri Allata'ala Manggeta, siagang Batara Isa Almasi. Anne suraka kutulisiki salaku tunisuroNa Isa Almasi, niangkaka ri Allata'ala, lanri ero' KalenNa Allata'ala.

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

TITUS 1:3

Punna narapi'mo wattunna, laNapa'nyatami anjo janjinNa Allata'ala lalang pappasanNa mae ri linoa. Anjo pappasanNa Napappirannuammi mae ri nakke, siagang kubirittakammi anjo pappasanga situru' parentaNa Allata'ala Mappasalamatta.

2 KORINTUS 1:1

Sikamma sari'battangku, anggota jama'aNa Allata'ala ri Korintus, kammayatompa sikontu Umma'Na Allata'ala niaka ri sikontu butta Akhaya. Inakke Paulus, le'baka niangka' a'jari tunisuroNa Isa Almasi lanri ero'Na Allata'ala, kammayatompa sari'battanta Timotius;

2 TIMOTIUS 1:1

Natarimai Timotius, anakku sannaka kukarimangnginna! Anne suraka battu ri nakke, Paulus. Ma'minasa' sollannu nisare barakka', pangngamaseang malammoro', siagang kasalewangang battu ri Allata'ala Manggea siagang Batarata Isa Almasi. Lanri ero'Na Allata'ala, nakuniangka' a'jari tunisuroNa Isa Almasi siagang nisuro untu' ambirittakangi ri sesena katallassang Napa'janjianga Allata'ala. Anjo katallassanga akkullei nitarima lanri asse'reki' siagang Isa Almasi.

ROMA 10:9

Nasaba' punna mangakuko siagang bawanu angkanaya, “Batara anjo Isa,” siagang tappakko lalang ri atinnu angkanaya le'ba'mi Napattallasa' poleang ammotere' Allata'ala anjo Isa battu ri kamateanga, ma'nassa lasalama' mako.

LAMPA-LAMPANA 22:10

Akkuta'namma' pole angkana, ‘Apa musti kugaukang Batara?’ Appialimi Batara angkana, ‘Ambangungko nai' nampa antamakko ri kota Damsyik. Anjoreng pako sallang lanipauang sikontu apa eroka Nasuro gaukang Allata'ala ri kau.’

LAMPA-LAMPANA 9:6

Mingka kamma-kamma anne ambangung mako nai', na nuantama' ri kotaya. Anjorempi nampa nipauangko apa musti lanugaukang.”

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

GALATIA 1:17

Tena todong nakumange ri tau niaka ri Yerusalem, rioloanganga na inakke a'jari suroNa Allata'ala. Mingka a'lampa' mange ri butta Arab, nampa battu anjorenga' nakuammotere' mange ri Damsyik.

ROMA 14:9

Le'ba'mi mate Almasi nattallasa' ammotere'. Lanri kammanami anjo Na'jari Bataramo mae ri tau attallasaka siagang mae ri tau mateamo.

YOHANES 20:21

Sikalipa pole Nakana Isa ri ke'nanga, “Salamakko siagang salewangang ngasengko. Sangkamma iNakke NasuroA' Manggea, sangkamma tomminjo naKusuro ngaseng tongko.”

YOHANES 10:30

INakke siagang Manggea se'rejA'.”

YOHANES 5:19

Appialimi Isa mae ri yangasenna anjo taua angkana, “Patappa'mi angkanaya, takkulleai Anaka anggaukangi apa-apaya punna lanri koasaNa bawang. Iaji bawang Nagaukang apa le'baka Nacini' Nagaukang ManggeNa. Nasaba' apa-apa Nagaukang ManggeNa, ia tomminjo Nagaukang Anaka.

LAMPA-LAMPANA 3:15

Nubunoi anjo Isa, na sikontutojenna Iami kabattuanna katallassanga untu' sikontu rupataua. Mingka nipattallasa' poleammi ri Allata'ala battu ri kamateanga. Kalennami ikambe anciniki anjo apa kajarianga.

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.