FILIPI 4:6 - KITTA' MATANGKASA'

⁶ Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

FILIPI 4:6 Referans Kwoze

1 PETRUS 5:7

Erangi ranggaselanu mae ri Allata'ala, nasaba' Iami anjampangiko.

PAMMUJI 55:22

Kana-kananna baji' sikali manynyonyo', mingka atinna lalang sangnging kabirisang. Bicaranna lamma sikali, mingka anno'doki sanrapang pa'dang taranga.

MATIUS 6:8

Teako kau appakammai anjo batenu assambayang. Kale'ba' Naasseng riolomi Allata'ala parallunu ri tenanapa nuppala'.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

PANGNGEBARANG 16:3

Pappirannuangi mae ri Batara sikontu rancananu, nanukkulle lampa'jari ri nugaukanna.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

KOLOSE 4:2

Paralluko tamalanrea appala' doang siagang a'jaga-jaga, kammayatompa appala' sukkuru' mae ri Allata'ala.

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

LUKAS 12:22

Nampa Nakana Isa ri ana'-ana' gurunNa, “Lanri kammana minjo naKukana, ‘Teako ranggaselai ri passala'na katallassannu, iamintu ri passala' lanukanrea, yareka ri passala' apa lanupake.’

PAMMUJI 51:15

Nalakupangngajarrang parentaTa mae ri tau dorakaya, sollanna ammotere' ke'nanga mae ri Katte.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.

EFESUS 5:20

Lalang ri apa-apa mamo, paralluko tuli appala' sukkuru' mae ri Allata'ala Manggea, lalang arenNa Isa Almasi, Batarata.

PAMMUJI 55:17

Mingka akkioka' mae ri Allata'ala, Batara lampasalamakka'.

LUKAS 10:41

Appialimi Isa Nakana, “Marta, Marta, angngapa na nubata-bata kamma siagang angngapa na'rupa-rupa kamma sibu' nunawa-nawa?

LUKAS 18:7

Jari, maka tena naNasarei Allata'ala ammeta lalang ri kara-karana umma'Na, punna allo bangngi appala' tulung umma'Na?

MATIUS 10:19

Na punna nierangko mange laniadeli, teako bata-batai ri passala' lanupaua yareka antekamma batenu la'bicara. Nasaba' punna narapi'mo wattunnu la'bicara tena tanipauannu apa siratanga lanupau.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

LUKAS 12:29

Jari, teako ranggaselai yareka teako lippui nawa-nawannu ri passala' lanukanrea siagang lanuinunga.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

2 KORINTUS 1:11

Tappaki ikambe angkanaya lanri pappala' doangannu ngaseng, tena tanipasalama'na pole ikambe ri Allata'ala battu ri bahayaya. Najaimo tau appala' sukkuru' ri Allata'ala, iamintu sikontu tau le'baka appala' doang, nasaba' nitarimana pappala' doanna, iamintu lanri nibarakkakinamo ikambe ri Allata'ala.

1 KORINTUS 7:32

Kukellaiko ta'lappasa' ngaseng battu ri kasusaanga. Tau tenaya bainenna akkullei napasse're pikkiranna mae ri apa-apa Nakaerokia Batara, sollanna akkulle napakasannang pa'mai'Na Batara.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

MATIUS 13:22

Naia bine takkioroka ri alla'na ruku'-ruku' akkatintinga, iaminjo pangngebarang mae ri tau allangngerekami anjo kabaraka, mingka ranggasela iji atinna ke'nanga, siagang ero' dudui kalumanynyang lalang ri katallassanna. Lanri kammana, rapang kasepekammi lalang ri atinna ke'nanga anjo Kabara' battua ri Allata'ala, sa'genna takkullea a'rappo.

DANIEL 3:16

Appialimi Sadrakh, Mesakh siagang Abednego, angkana, “Karaeng mala'birika, tena nalassassala' ikambe.

2 PATTOTTORANG 32:20

Jari appala' doammi Karaeng Hizkia siagang Na'bi Yesaya ana'na Amos. Akkio'mi' ke'nanga appala' tulung mae ri Allata'ala.

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.

KELONG MALA'BIRI' 2:14

O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

1 KORINTUS 7:21

Punna atako ri wattunnu nikio', tena naparallu nususai kalennu annawa-nawai anjo passalaka. Mingka punna nia' se're wattu nunggappa kasampatang a'jari tu bebasa', pakemi anjo kasampatanga.

1 KARAENG-KARAENG 8:28

O Batara, Allata'alaku, inakke anne atanTa'! Mingka Kipilangngeri laloi pappala' doangku anne alloa.

YEREMIA 32:16

Le'baki kupassareang anjo sura'-sura' pammallia mae ri Barukh, appala' doamma', kukana,

DANIEL 6:10

Jari natekemmi Karaeng Darius anjo sura' parentaya.

MATIUS 6:34

Lanri kammana, tea' mako bata-batai ri passala'na lanukaparalluanga ammuko, nasaba' untu' ammukoa nia' todong bata-batana. Anne alloa angga'nami lanukasusanga, tea' mako tambai ba'lalo susanu.”

1 TIMOTIUS 2:1

Marioloangannaya, kupala' dudui mae ri kau sollanna nupangnganrokang nupassambayangang, nupappala' doangang siagang nupappala' sukkurang mae ri Allata'ala sikontu taua;

1 TIMOTIUS 5:5

Ia janda-janda akkale-kalea tojemmo, natena tojemmo tau akkulle amparakai, parallui manrannuang mae ri Allata'ala bawang. Allo bangngi tuli appala' doang untu' appala' tulung mae ri Allata'ala.