FILIPI 4:10 - KITTA' MATANGKASA'

¹⁰ Lalang asse'rena tallasakku siagang Batara, a'jari sannang sikali nyawaku; nasaba' siapa sallona, kamma-kamma anne nisare mako pole kasampatang untu' annawa-nawai katallassangku. Mingka nakukkana kamma, tena nakukana le'baka' nukaluppai; memang nuparhatikanga', mingka siapa sallona tena nunggappa kasampatang ampappicinikangi.

FILIPI 4:10 Referans Kwoze

2 KORINTUS 11:9

Punna kakuranganga' anjo wattua, tena le'bakai nia' tau battu ri kau kususai manna sitau. Sikamma apa-apa kuparalluanga napa'ganna' ngasengi sari'battang battua ri jama'ah Makedonia. Kukatutui sollanna tena nakususaiko, manna na passala' kaparalluang apa-apa mamo. Na tuli kukatutuina anjo kammaya.

GALATIA 6:6

Tau annarimaya pangngajarang battu ri Almasi, parallui nabage siagang gurunna apa-apa niaka ri ia.

FILIPI 1:3

Punna kurapikko kuu'rangi, tuli appala' sukkuruka' mae ri Allata'ala.

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

PAMMUJI 85:6

Untu' satunggunaka Kikalarroi ikambe? Tuli lalarroKi' mae ri turunganna ikambe?

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

FILIPI 1:1

Natarimai sikontu sari'battangku umma'Na Allata'ala, niaka ammantang ri Filipi, asse'reamo siagang Isa Almasi. Kammayatompa sikamma pamimpinga siagang pambantuna jama'aka! Inakke Paulus, siagang Timotius, pajama-jamaNa Isa Almasi;

HOSEA 14:7

Lattallasaki siagang lakatambangi ke'nanga rapang lamung-lamung accu'laka ri kere-keremae, rapang poko' zaitun ga'gana bau' rasanna rapang poko' camara!

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.