FILIPI 3:7 - KITTA' MATANGKASA'

⁷ Mingka lanri Almasi, sikamma anjo apa kukanaya lompo matu-matunna riolo, kamma-kamma anne a'jarimi se're karugiang.

FILIPI 3:7 Referans Kwoze

LUKAS 14:33

Kala'busanna Nakanamo Isa, “Ikau kamma ngaseng tommako anjo. Tenanniakka manna sitau lakkulle a'jari ana' gurungKu, punna taerokako ambokoi ngasengi apa-apa niaka ri kau.”

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

PANGNGEBARANG 13:8

Tau kalumanynyanga musti appasuluki doe' sollanna amang tallasa'na; mingka tau kasi-asia nipakabellai battu ri balaya.

PA'JARIANG 19:17

Le'baki anjo nakanamo kalase'renna anjo malaekaka, “Lariko, pasalamaki nyawanu! Teako assailei mae ri boko siagang teako ammantangngi ri lapparaka. Lariko nai' ri monconga, sollanna tena numate ngaseng todong!”

AYUB 2:4

Mingka appialimi lapung Panggoda angkana, “Nyawana siagang pakkamalena tubua la'bi lompoangngangi anggaranna na pa'barang-barangnganga. Rellai rupataua angkoro'bangkangi sikontu apa-apanna, assala' akkullei tulusu' attallasa'.

LUKAS 16:8

Jari nipujimi ri karaenna anjo pagawe ammolika doe' tenaya nalambusu' ri jama-jamanna, lanri cara'de'na a'boya akkala'. Nasaba' cara'dekangangi tau ammantanga lalang lino angngurusuki urusanna kala tau ammantanga lalang ri singaraka.”

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PA'JARIANG 19:26

Mingka assailemi bainenna Lot mae anjoreng, sa'genna amminramo a'jari benteng ce'la.

LAMPA-LAMPANA 27:38

Le'baki angnganre ngaseng ke'nanga, napela'mi gandung niaka naerang anjo kappalaka naung ri tamparanga, sollanna a'jari ringang anjo kappalaka.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,

MARKUS 10:50

Napasambilami jubana anjo tau butaya, nampa akkaro-karo ammenteng na'lampa mae ri Isa.