FILIPI 3:18 - KITTA' MATANGKASA'

¹⁸ A'mole-molema' ampauangko pole, nakamma-kamma anne kupaui pole nakuangngarru' angkanaya jai tau ambattuang salai matu-matunna anjo kamateanNa Almasi ri kayu sallika.

FILIPI 3:18 Referans Kwoze

EFESUS 4:17

Lanri kammana, nasaba' arenNa Batara, iaminne lakupaua siagang lakupattantua: tea' mako attallasa' sangkammai pole tau tenayapa natappa' ri Allata'ala, siagang tau tenaya nannaba-naba pikkiranna.

YESAYA 8:11

Nikoasaia' ri Batara siagang Napakaingaka' sollanna tena kupinawangi anjo oloang naoloa anjo bansaya. Nakana,

GALATIA 6:12

Inai-nai ampalecei kalenna ri apa-apa lahereka, iaminjo ke'nanga ero' ampassako anturuki paratorang sunnaka. Mingka lanri malla'naji nisessa ri tu Yahudia na'gau' kamma ke'nanga, passabakkang salli'Na Almasi.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”

GALATIA 1:7

Sikontutojenna tena “kabara' baji' maraeng”. Mingka nia'naji bawang siapa are tau ambirittakangi mae ri kau “kabara' baji'” ri sesena Almasi, nanaputara' bale' anjo kabaraka sa'gennu nipa'jari lingu.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.

FILIPI 1:4

Siagang punna kupappala' doangang ngasengko, teai sipato' sannanna atingku.

GALATIA 5:21

kammayatompa assereatia, painunga sa'genna nasa'ring, assua'-suara' appala'busuka apa-apa, na maraengannaya. Yangasennami anjo kupakaingakkangko kamma-kamma anne; sangkamma todong kupakainga'nu pirangalloang, angkanaya anjo tau a'gau' kammaya takkulleai a'jari anggota Umma'Na Allata'ala.

GALATIA 2:21

Tena nakubalang parekangi anne pangngamaseanNa Allata'ala. Punna a'jari baji' ammotere' passisambunganna taua siagang Allata'ala lanri nagaukanna hukkung-hukkung agamaya, a'jari tenamo matu-matunna kamateanNa Isa mae ri kalenna!

2 KORINTUS 11:29

Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

2 KORINTUS 11:13

Anjo tau kammaya sangnging suro a'balle-balle. Anjo ke'nanga sangnging pajama ero' apa'lingu-lingu tau, assara-saraia a'jari tunisuroNa Almasi.

2 KORINTUS 2:4

Sanna' si'nana siagang sanna' battala'na pa'maikku, kammayatompa ammatti'-mattiki je'ne' matangku ri wattunna kutulisi' anne suraka. Mingka teai lanri kukellainu si'na nakupau anne, passangalinna sollanna akkulle nuasseng angkanaya sanna' ngaseng kukarimangnginnu.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

1 KORINTUS 1:18

Nasaba' anjo kabara' kamateanNa Isa Almasi a'jari kabara' balle-ballei mae ri tau lamangea ri kapanrakanga. Mingka untu' ikatte tu nipasalamaka ri Allata'ala, anjo kabaraka iami a'jari pammatei ri Napa'nyatana kakoasanNa Allata'ala.

ROMA 9:2

Sanna' si'nana siagang pa'risi'na atingku,

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

2 TESALONIKA 3:11

Akkana kammami anne ikambe lanri nalangngere'na ikambe angkanaya nia' siapa are jaina tau ri alla'nu a'mala'-malasa' lalang ri katallassanna. Sangnging urusannaji tau maraenga napantama'-tamakki, siagang tena manna sirupa jama-jamang nagaukang.

LAMPA-LAMPANA 20:19

Kupa'jari tunami kalengku, siagang jaimi assolong je'ne' matangku ri wattunna kugaukang jama-jamanNa Batara. Kukasia'mi pa'risika lanri kaja'dallanna tu Yahudia mae ri nakke.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

PAMMUJI 119:136

Assolongi je'ne' matangku sanrapang binanga, lanri tenana nituruki hukkunTa.

GALATIA 6:14

Mingka inakke tena sikali lakkulle kukalompoang pa'mai', pantaranganna Batarata Isa Almasi, le'baka mate nisalli'. Nasaba' lanri le'ba'Namo mate ri kayu sallika, natenamo anggaranna anne linoa mae ri nakke. Na inakke sanrapamma' tau mateamo mae ri anne linoa.

KAIMANGNGANG 13:8

Imanga musti naparessai pole ammotere'; na punna memang a'bakka'mi anjo garrinna taua, anjo taua musti nipaui angkanaya ra'masaki; anjo taua garring salai.