FILIPI 2:27 - KITTA' MATANGKASA'

²⁷ Garring memangi, sa'genna sike'de' mami mate. Mingka nikamaseangi ri Allata'ala; siagang tena naiaja bawang nikamaseang, mingka inakke pole, sollanna tena nakupila' si'na.

FILIPI 2:27 Referans Kwoze

PAMMUJI 34:19

Ma'reppeseki Batara mae ri tu ca'dia pa'mai'na; Napasalamaki tu tappu' minasaya.

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

2 KORINTUS 2:7

Anne kamma musti nupammopporammi, siagang parallui nupakajarre' pa'mai'na sollanna tena nasi'na dudu pa'mai'na sa'genna tappu' panrannuang.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

LAMPA-LAMPANA 9:37

Anjo wattua garringi, sa'genna matemo. Ri le'ba'namo nije'ne' maya'na, nipadongko'mi ri kamara' irateanga.

AYUB 5:19

Punna a'reppese' bahayaya, tuli Napasalamakko.

YESAYA 43:2

Punna nusombali je'neka, iNakke anrurungangko, tena nulatallang lalang ri sikamma kasukkarrannu. Punna allaloko ri pepeka, tena nulammutung, tena nalanabalaiko sikamma paccoba battalaka.

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

YEREMIA 10:24

Pangngajarimi ikambe o Batara, mingka teaKi' pamma'ji pa'risi' dudua. Tea tongKi' hukkungi ikambe punna lalang larroKi', nasaba' mattantu lapanra' ngasengi ikambe.

YEREMIA 8:18

Rapangi nie'ba' atingku na pacce, susa tena balleanna.

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

2 KARAENG-KARAENG 20:1

Ri anjo wattua garring lattangi Karaeng Hizkia. Sanna' sikali anjo garrinna sa'genna a'birimmo mate. Battumi Na'bi Yesaya ana'na Amos angkunjungi siagang nakana, “Appasangi Batara sollanna kipa'le'ba' sikontu urusanga, nasaba' tena kila'jari baji'. Tenamo nasallo kimate.”

YEREMIA 45:3

akkunrarengko kamma anne, ‘Ah, teai sipato' cilakaku anne! Jai sikali kasukkarrangku, nampa Natambai pole Batara siagang kasessang. Mangngamma' akkunrareng, tena sikali kasannangngang!’

FILIPI 2:26

Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.

FILIPI 2:28

Iaminjo saba'na napila' katambammo erokku assuroi ammotere' mae ri kau; sollannu akkulle rannu ammotere' punna assigappako siagang ia, na'jari sannang tommo pa'maikku.