FILIPI 2:26 - KITTA' MATANGKASA'

²⁶ Sanna' nakku'na mae ri kau ngaseng; siagang sanna' lussa'na lanri nugappana kabara'na angkana garringi anrinni.

FILIPI 2:26 Referans Kwoze

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

EFESUS 3:13

Lanri kammana, iami anne pappalakku ri kau: teako ranggaselai ri passala' kapa'risang kukasiaka passabakkang ikau ngaseng; nasaba' yangasenna anjo untu' kabajikannu ngaseng.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

PANGNGEBARANG 12:25

Ranggaselaya natepoki sumangaka, mingka kana-kana lammaya napakalompoi pa'maika.

FILIPI 4:1

Lanri kammana, sikontu sari'battangku kukarimangngia, paralluko attojeng-tojeng tappa' mae ri Batara lalang ri katallassannu. Nakku' sikali pa'maikku mae ri kau ngaseng! Ikaumi nakalompoanga pa'maikku siagang kukarannuanga.

ROMA 9:2

Sanna' si'nana siagang pa'risi'na atingku,

MATIUS 26:37

Naerang tommi Petrus siagang ruaya ana'na Zebedeus. Paccemi siagang si'na sikalimi Nasa'ring pa'mai'Na.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

PAMMUJI 69:20

Kiassengi antekamma bateku nicalla, nihina siagang nipakkanai, Kicini' ngasengi sikontu musungku.

2 SAMUEL 13:39

mingka ri tenanamo nasi'na nyawana Daud, sanna'mi nakku'na mae ri Absalom.

1 PETRUS 1:6

Lanri kammana, paralluko rannu ri pa'mai'nu, manna pole kamma-kamma anne untu' sinampekang musti a'jari si'nai pa'mai'nu lanri a'rupa-rupana paccoba antujuko.

FILIPI 1:3

Punna kurapikko kuu'rangi, tuli appala' sukkuruka' mae ri Allata'ala.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

2 KORINTUS 9:14

Na lanapappala' doangangko siagang pa'mai' mangngarimangngi mae ri kau, lanri sanna' baji'Na Allata'ala mae ri kau.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

ROMA 1:11

Nasaba' cinna dudua' angngagangko assicini' ngaseng, sollanna akkulle tongko kubagei passare pangngamaseanNa RohNa Allata'ala, nukkulle nipakajarre'.

LAMPA-LAMPANA 21:13

Mingka appialimi Paulus angkana, “Apa matu-matunnu angngarru' kamma ngaseng, sa'genna a'jari ancuru' kusa'ring atingku? Kamma-kamma anne sadiama'; teako angkana nijakkala' bawang, mingka sadiama' ba'lalo mate lanri Batara Isa.”

AYUB 9:27

Punna erokka' ta'muri siagang ammakkala' rannu, punna kucoba angkaluppai pa'risikku, battui ammotere' susaku, angngondanga'; saba' kuassengi, tuli Nasalakanga' Allata'ala.

2 SAMUEL 24:17

Naciniki Daud anjo malaeka' ambunoai taua, nampa nakana mae ri Batara, “Inakke doraka, lanri inakke anggaukangi anjo kasalanga. Mingka apa kasalanna anjo bansaya? Inakkemo hukkung siagang kaluargaku!”

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

FILIPI 2:27

Garring memangi, sa'genna sike'de' mami mate. Mingka nikamaseangi ri Allata'ala; siagang tena naiaja bawang nikamaseang, mingka inakke pole, sollanna tena nakupila' si'na.