FILIPI 2:21 - KITTA' MATANGKASA'

²¹ Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

FILIPI 2:21 Referans Kwoze

1 KORINTUS 10:24

Takkulleai taua poro kaparalluang kalennaji bawang naboya. Sikontu taua parallui naboya todong kaparalluanna tau maraenga.

MATIUS 16:24

Nampa Nakana Isa mae ri ana'-ana' gurunNa, “Tau eroka amminawang ri Nakke takkulleai tanapariboko kaparalluang kalenna, nanapisang salli'na, nampa amminawang tuli ri Nakke.

FILIPI 2:4

Parhatikangi kaparalluanna tau maraenga; teako kaparalluang kalennu bawang nuparhatikang.

2 TIMOTIUS 3:2

Massing kaparalluang kalenna mami lanaondang rupataua; massing angngondang dudui doe', tampoi siagang nangai a'bicara kosonga. Nangai ke'nanga nahina taua, naewai tau toana, tangngassengai appala' sukkuru', siagang nakabirisi nikanaya katallassang rohani.

1 KORINTUS 10:33

Pasangkammami bateku attallasa' batenu todong attallasa'. Inakke kuusahakangi sollanna sannang ngaseng taua mae ri nakke; mingka teai lanri nia'na kaparalluang kalengku kuboya. Iaji kuboya iamintu sollanna nipasalama' ngaseng ke'nanga.

1 KORINTUS 13:5

Tena naborro, tena na'gau' takamma-kamma; tena napassai taua amboyangi kaparalluang kalenna bawang, tena nalinta' kasi'rikang, siagang tena napammoli'-molikangi punna nia' tau sala ri kalenna.

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

2 TIMOTIUS 4:10

nasaba' nabokoima' Demas lanri nakarimangnginna anne linoa. A'lampami mange ri Tesalonika. A'lampami Kreskes mange ri Galatia, siagang Titus a'lampami mange ri Dalmatia.

2 KORINTUS 1:5

Sikamma passessa le'baka antujui Almasi, jai tommi tattuju mae ri kambe. Siagang tete ri KalenNa tommi Almasi nasanna'mo nipakajarre'na pa'mai'na ikambe.

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!

LAMPA-LAMPANA 15:38

Mingka napikkiriki Paulus angkanaya tabajikai nierang Markus; nasaba' taerokai assamaturu' anjama siagang ke'nanga, kammayatompa le'baki Markus ampilari ke'nanga ri wattunna nia' ri Pamfilia ke'nanga.

LAMPA-LAMPANA 13:13

Battu ri Pafos, assombala'mi Paulus siagang agang-aganna mange ri Perga, daera Pamfilia. Battuna mange anjoreng a'lampami Yohanes Markus ambokoi ke'nanga, ammotere' mange ri Yerusalem.

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

2 TIMOTIUS 1:15

Nuassemmi angkanaya nabokoi ngasemma' sikamma tau niaka ri daera Asia, kammayatompa Figelus siagang Hermogenes.

2 KARAENG-KARAENG 12:6

Sa'genna ri taung makaruampulo antallu ri pamarentahanna Yoas, tena ijapa napakabajiki sikamma imanga kapanrakang niaka ri Balla'Na Batara.