FILIPI 2:2 - KITTA' MATANGKASA'

² Jari attojeng-tojeng mako ampakasannangi pa'maikku lalang ri anne passalaka, iamintu: A'julu atiko ilalang se're pangngamaseang, ilalang se're pikkirang, siagang se're pattujuang.

FILIPI 2:2 Referans Kwoze

ROMA 12:16

Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

3 YOHANES 1:4

Tena akkulle la'bi ampakarannuangangi pa'maikku, naanjo kulangngere'na angkanaya attallasaki ana'-anakku situru' ajaranNa Allata'ala.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

2 YOHANES 1:4

Sanna' rannuku lanri kuassenna angkanaya nia' ana'-anatta attallasa' situru' ajaranNa Allata'ala, situru' Napassuroanga Allata'ala Manggea mae ri katte.

2 TESALONIKA 2:13

Sikamma sari'battangku nikamaseanga ri Batara! Musti tuli appala' sukkuruki ikambe mae ri Allata'ala passabakkang ikau ngaseng; nasaba' battu ri uru-uruna memang naNapile mako Allata'ala untu' nipasalama'. Anjo, RohNa Allata'ala anggaukangi mae ri kau; sollannu nipa'jari umma'Na Allata'ala matangkasaka; siagang lanri tappa'nu mae ri biritta tojenga battua ri Allata'ala.

KOLOSE 2:5

Nasaba' manna pole nakisikabellai, mingka nyawaku tuli niaki ri tangnga-tangnganu. Na sanna' rannuku ancinikko a'julu ati siagang majarre' tappa' mae ri Isa Almasi.

FILIPI 4:2

Ikau Euodia siagang Sintike, a'jari sari'battang bainea! Kupalaki ri kau sipa'rua sollannu a'julu ati, sangkamma tau assari'battanga lalang ri katappakkanga.

FILIPI 2:20

Timotius bawang tau niaka anrinni assangkamma nyawaku, attojeng-tojenga annawa-nawai kate'neannu.

2 KORINTUS 7:7

Teai lanri battuna bawang Titus nanisaleori atinna ikambe; mingka lanri napauna todong antekamma nisaleorinna pa'mai'na lanri ikau ngaseng. Napabattui mae ri kambe angkanaya teai sipato' nakku'nu ngaseng ero' angngaganga' assicini'; angkanaya assesse' lalang mako ri panggaukannu riolo, nanuero'mo angngaganga' sipammentengang. Iaminjo pila' ampakarannui atingku.

2 KORINTUS 2:3

Iaminjo saba'na nakutulisi' anne suraka mae ri kau. Taeroka' angkunjungiko, nampa nupakasi'na pa'maikku. Sikontutojenna musti nupakarannui pa'maikku. Nasaba' tappaka' angkanaya punna rannua', amminawang ngaseng todong mako rannu.

LAMPA-LAMPANA 5:12

Jaimi kajariang siagang gau' appakalannasa' kajariang ri tangnga-tangngana tau jaia, lanri jama-jamang nagaukanga tunisuroNa Allata'ala. A'julu atimi a'rappungang sikamma tau tappaka ri Kamara' Salomo, ri Balla'Na Batara.

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.

FILIPI 1:4

Siagang punna kupappala' doangang ngasengko, teai sipato' sannanna atingku.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

2 TIMOTIUS 1:4

Kuu'rangi kasi'nanna atinnu. Iaminjo saba'na kuero' dudumo angngagangko sicini', sollangku akkulle a'jari rannu tojeng-tojeng.

LAMPA-LAMPANA 2:1

Ri wattunna narapi'mo allo Pentakosta, a'rappungang ngasemmi sikamma tau tappaka ri se'reang tampa'.

FILEMON 1:20

Lanri kammana sari'battang, tulunga' lanri Batara; pakarannui pa'maikku sangkamma sari'battannu lanri Batara.

PAMMUJI 122:8

Lanri sikontu bija pammanakangku siagang bela-belaku kukanamo, “Poro salewangangko!”