FILIPI 2:13 - KITTA' MATANGKASA'

¹³ nasaba' KalenNa Allata'ala anjama lalang ri kalennu, sa'gennu ero' siagang akkulle ampakarannui pa'mai'Na Allata'ala.

FILIPI 2:13 Referans Kwoze

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

2 KORINTUS 3:5

Tena manna sirupa kagassingang ri kalenna ikambe nakkulle ikambe anggaukangi anne jama-jamanga; mingka Allata'ala assarei pakkulle ikambe.

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

ROMA 9:16

Jari anjo apa Natappukia Allata'ala, teai lanri usahana yareka rellana rupataua, passangalinna kabajikang pa'mai'Na bawang Allata'ala mae ri anjo tau Napilea.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

YOHANES 3:27

Appialimi Yohanes nakana, “Takkulleai nia' apa-apanna rupataua, punna tanisareanga ri Allata'ala.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

1 KORINTUS 12:6

A'rupa-rupai cara untu' anjamai jama-jamanNa Batara, mingka se'reji Allata'ala assareai kagassingang sikamma anjo tau anjamaya.

2 TESALONIKA 1:11

Lanri kammanami anjo nakituli appala' doang untu' ikau ngaseng. Appala' doangi ikambe mae ri Allata'ala, sollannu Nasare pangngellai untu' attallasa' situru' ero'Na; iaminjo saba'Na naNakio' ngasengko. Poro Allata'ala lalang koasaNa Napa'rupai ero'Na untu' a'gau' baji', ampassukkuki jama-jamang nugaukanga lanri tappa'nu mae ri Almasi.

EFESUS 1:5

le'ba' memammi Napattantu la'bi riolo, angkanaya laNaangka' maki' a'jari ana'-ana' KalenNa, tete ri Isa Almasi. Na memang iaminjo eroka Nagaukang.

EFESUS 2:8

Nakarimangngiko Allata'ala. Iaminjo Nanapasalamakko, lanri tappa'nu mae ri Isa. Anjo kasalamakkannu, teai wassele' usaha kalennu. Mingka passare malammoro'Na Allata'ala. Jari, tena manna sitau akkulle ampattampo-tampoangi kalenna ri anjo passalaka.

1 KARAENG-KARAENG 8:58

Poro Napa'jariki' tau tamamminra ri Ia sollanta tuli attallasa' situru' ero'Na siagang mannuruki ri sikontu hukkunNa siagang parentaNa ia le'baka Napassareang mae ri boe-boeta.

PAMMUJI 119:36

Kisarea' kacinnang untu' mannuruki ri paratoranTa, la'biangngang na cinnaya a'jari kalumanynyang.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

YOHANES 6:65

Nakanamo pole Isa, “Iaminjo saba'na naKupauangko angkanaya tenanniakka manna sitau akkulle battu mae ri Nakke punna tena nisarei pakkulle ri Manggea.”

YEREMIA 32:38

La'jari ke'nanga ummakKu, siagang iNakke la'jari Allata'alana ke'nanga.

ROMA 9:11

Ri wattu tenanapa nanilassukangi anjo ana' ruaya, le'ba' memammi Napattantu Allata'ala ana' lanipilea sallang. Anjo pammileNa Allata'ala tena nabattu ri panggaukanna rupataua, passangalinna battu ri ero' pakkio'Na bawang Allata'ala. Nasaba' ri wattunna tenapa nangngasseng a'gau' baji' yareka a'gau' kodi anjo ruaya ana'na Ribka,

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

EZRA 1:1

Ri taung makase're ammarenta Kores, karaeng Persia, Narupaimi Batara apa le'baka Napau tete ri Na'bi Yeremia. Napagio'mi Batara nyawana Kores untu' appasulu' se're parenta, nibacaya ri sikontu kakaraenganna. Ia bonena anjo sura' parentaya iamintu:

EZRA 7:27

Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

YOHANES 6:45

Nia' tattulisi' lalang ri Kitta'-kitta'na Na'bi-na'bia angkanaya, ‘Sikontu rupataua laniajaraki ri Allata'ala.’ Jari sikontu tau ampilangngeri Manggea siagang appilajara' ri Ia, battu ngasengi mae ri Nakke.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

PAMMUJI 141:4

Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

LAMPA-LAMPANA 11:21

Niaki koasaNa Batara anrurungangi ke'nanga, sa'genna jaimi tau a'jari tappa', nanapassareang kalenna mae ri Batara.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

AYUB 33:29

A'mole-molemi Nagaukang Allata'ala yangasenna anne kammaya,

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

ROMA 12:3

Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.