FILIPI 2:1 - KITTA' MATANGKASA'

¹ Majarrekko, lanri asse'reko siagang Almasi. Siagang nisaleoriko lanri Nakamaseangko Almasi! Nirurungangko ri RohNa Allata'ala, jari paralluko massing sikamaseang siagang sikarimangngi.

FILIPI 2:1 Referans Kwoze

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

1 YOHANES 4:12

Tena manna sitau le'ba' anciniki Allata'ala; mingka punna massing sikamaseangki', asse'remi Allata'ala mae ri katte siagang a'jari sukku'mi pangngamaseanNa lalang ri kalenta.

KOLOSE 2:2

Nakugaukang ngaseng anne sikammaya, lanri kukellaina a'jari jarre' pa'mai'na ke'nanga siagang namassing sikamaseang, sollanna pila' majarre' ke'nanga a'jari se're. Jari pila' napahang tojemmi ke'nanga na'jari tappa' sa'genna naasseng rahasia battua ri Allata'ala, iamintu KalenNa Isa Almasi.

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

GALATIA 5:22

Mingka, punna nipimping ri RohNa Allata'ala taua, iaminne wassele'na: sikamaseangi ke'nanga, rannui, assiamaki, sa'baraki siagang lammoro' pa'maiki, bajiki ri paranna tau, majarreki,

GALATIA 4:6

Nasaba' ana'-ana'Naki' Allata'ala, Nasuromi RohNa Ana'Na Allata'ala antama' ri atinta; iamintu Roh angkanaya, “Bapakku, o Bapakku.”

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

1 YOHANES 3:24

Sikontu tau mappilangngeria mae ri sikamma parentaNa Allata'ala, asse'rei mae ri Allata'ala lalang ri katallassanna, siagang asse're tongi Allata'ala mae ri katallassanna. Na niasseng angkanaya asse'rei Allata'ala mae ri katallassanta, lanri le'ba'mi Napassareang RohNa mae ri katte.

YOHANES 17:13

Kamma-kamma anne battuMa' mae ri Katte. Kupau ngasemmi anne ilalang niakKu ija ri lino; sollanna sukku' ngaseng nakasia'na ke'nanga karannuangKu.

1 YOHANES 4:16

Niassemmi siagang tappa' maki' mae ri pangngamaseanNa Allata'ala mae ri katte. Anjo Allata'ala Iami mangngamaseang. Inai-nai nikoasai katallassanna ri pangngamaseang, iaminjo taua asse're katallassanna mae ri Allata'ala, siagang asse'remi Allata'ala mae ri katallassanna.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

EFESUS 4:4

Se'reji bawang tubu, siagang se'reji bawang Roh. Kamma tomminjo, nikio' mako untu' se're bawang panrannuang.

2 KORINTUS 2:14

Mingka appala' sukkurukki' mae ri Allata'ala! Lanri Iami tuli ampimpingi ikambe amminawang lalang ri barrisi' passua'-suarrang pammetanNa Almasi lanri asse'rena ikambe mae ri Ia. Nipakemi ikambe ri Allata'ala ampa'la'bangi biritta ri passala'na Almasi, sanrapang bau' a'la'banga rasanna ri kere-keremae.

1 KORINTUS 15:31

Sikamma sari'battangku ngaseng! Allo-allona kuparrangi nikanaya sessa lanri lompona pa'maikku mae ri katallassannu ngaseng, lanri tappa' mako mae ri Isa Almasi, Batarata.

YOHANES 14:27

Kubolikang mako kasalewangang. Kasalewangang battua ri KalengKu Kupassareang mae ri kau. Na anjo apa Kupassareanga mae ri kau, tasangkammayai apa napassareanga linoa mae ri kau. Teako lussaki pa'mai'nu, siagang teako mallakki.

YOHANES 14:18

Tena nalaKubokoiko ammantang kale-kalennu, a'jari sanrapang ana' kukanga. LammoterekKa' pole mae ri kau.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

YESAYA 16:11

Ammarrangi kusa'ring siagang ancuruki pa'maikku anciniki sarenna Moab siagang Kir-Heres.