FILEMON 1:14 - KITTA' MATANGKASA'

¹⁴ Mingka tena kuero' anggaukangi anjo kammaya punna tenapa nanusitujui rolong. La'bi kungaiangangi punna kalennu todong rella anggaukangi anjo kammaya; tena nakuero' ampassako.

FILEMON 1:14 Referans Kwoze

2 KORINTUS 9:7

Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

2 KORINTUS 9:5

Iaminjo saba'na naparallu kusuro a'lampa riolo anjo ke'nanga mae ri kau, angngurusuki anjo sumbangang le'baka nupa'janjiang. Kammami anjo kugaukang sollanna punna battua' sallang, sadiami anjo sumbangannu. Lanri kammana, a'nassami angkanaya tena nabattala' passangalinna te'nei pa'mai'nu ampassareangi anjo sumbanganga.

2 KORINTUS 8:12

Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.

2 KORINTUS 1:24

Tena nakuero' ampassako ri passala' apa siratanga nupatappa', lanri jarre'namo tappa'nu mae ri Isa. Erokkuji bawang angngagangko sipanjamang, sollannu pila' mate'ne ri tallasa'nu.

1 KORINTUS 9:17

Ebara' angkana battu ri ero' kalengku nakugaukang anjo jama-jamanga, akkulle memanga' attayang gaji. Mingka iaji nakubirittakang anjo Kabara' Bajika lanri nisuro memang tonga'. Allata'ala assarea' tugasa' anggaukangi anjo jamanga.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!