FILEMON 1:10 - KITTA' MATANGKASA'

¹⁰ Inakke, Paulus, nia' pappalakku mae ri kau; iamintu passala'na Onesimus, anakku lanri Almasi. Nasaba' a'jari bapa' rohaninama' lalang ri anne tarungkua.

FILEMON 1:10 Referans Kwoze

KOLOSE 4:9

Nia' tongi Onesimus lanaagang Tikhikus a'lampa mae ri kau; Ia tau battu antureng tonji. Iami sari'battanta majarreka, siagang nakarimangngia ikambe. Iami siagang Tikhikus lampabattuang ngasengko sikontu apa-apa kajarianga anrinni ri tampa' kupammantangia.

1 KORINTUS 4:15

Nasaba' inakkemi a'jari manggenu ngaseng, manna pole ebara' angkana nia'mo sampulo sa'bu gurunnu. Lalang attallasa'numo a'jari se're siagang Almasi inakkeji bawang a'jari manggenu, nasaba' inakke ampabattui anjo Kabara' Baji' battua ri Isa Almasi mae ri kau.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

2 SAMUEL 18:5

Nampa naparentakang karaenga mae ri Yoab, Abisai siagang Itai, angkana, “Teako apa-apai anjo Absalom nasaba' inakke.” Sikontu pasukanga nalangngereki anjo parentana Daud.

MARKUS 9:17

Appialimi kalase'renna tau jaia angkana, “O Pa' Guru, kuerangi anakku mae ri Katte. Pepei nasaba' nasosoki roh ja'dala'.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

1 KORINTUS 4:14

Teai lanri erokku ampakasirikko nakutulisi' anne kammaya mae ri kau, mingka lanri erokku ampakaingakko sangkamma ana'-ana' kalengku.

FILEMON 1:11

Riolo tena matu-matunna mae ri kau; mingka kamma-kamma anne sanna'mo lompona matu-matunna. Tena nauntu' ikauji bawang, passangalinna untu' inakke pole.

FILEMON 1:13

Sikontutojenna eroki kutahang anrinni a'jari sambennu; sollangku akkulle nabantu ilalang niakku lalang anrinni ri tarungkua passabakkang Kabara' Baji' battua ri Allata'ala.

3 YOHANES 1:4

Tena akkulle la'bi ampakarannuangangi pa'maikku, naanjo kulangngere'na angkanaya attallasaki ana'-anakku situru' ajaranNa Allata'ala.