EZRA 9:6 - KITTA' MATANGKASA'

⁶ Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

EZRA 9:6 Referans Kwoze

PAPPICINI' 18:5

Nasaba' attambung-tambungi dosana sa'genna ri langika, na Nau'rangi Allata'ala kaja'dallanna.

PAMMUJI 38:4

Garring lompoa' lanri kalarroanTa; tenamo baji' ri tubuku lanri dosaku.

2 PATTOTTORANG 28:9

Nia' sitau na'biNa Batara niarenga Oded ammantang ri kota Samaria. Ri se'reang wattu ammotereki tantara Israel angngerang tunitahang battu ri Yehuda. Battumi Oded anruppai ke'nanga ri wattunna lantama' ke'nanga ri kotaya. Nakanamo ri ke'nanga, “Le'ba'mi nubeta tu Yehuda lanri larroi Karaeng Allata'alana boe-boenu mae ri ke'nanga. Mingka Nalangngereki Batara antekamma palla'nu ambunoi anjo tantara Yehuda.

LUKAS 15:21

Nakanamo anjo anaka, ‘O Bapa', dorakama' mae ri Allata'ala siagang mae ri katte. Tenamo kusiratang nikana anatta.’

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

YEHEZKIEL 16:63

LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEREMIA 31:19

Le'baki ma'boko ikambe mae ri Katte, mingka assesse'lalammi ikambe ri gau' kammana anjo. Ri le'ba'namo Kihukkung ikambe, ta'dundumi ulunna ikambe napakamma si'na. Siri'-siriki ikambe siagang a'jari tunai lanri dorakanamo ikambe ri wattu rungkana.’

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YESAYA 59:12

Tamaka jaina kaja'dallanna ikambe mae ri Katte; dosa-dosana ikambe ampassalai ikambe. Napahang tojemmi ikambe kaja'dallanna ikambe, siagang naassemmi sikamma dosa-dosana ikambe.

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

EZRA 9:13

Dorakami ikambe siagang nadakkaimi hukkunTa, kammayatompa Kihukkummi ikambe. Mingka naassengi ikambe, o Allata'alana ikambe, angkanaya anjo hukkunganTa mae ri kambe tenapa nasambattala' siratanga siagang battala'na dosana ikambe, ba'lalo Kipasalama' iji ikambe.

PA'JARIANG 13:13

Anjo kota Sodom sangnging tau sanna' ja'dala'na siagang tau doraka ngaseng ri Batara ammantang anjoreng.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

1 KARAENG-KARAENG 8:47

poro Kipilangngeri pappala' doanna ke'nanga. Punna anjoreng ri pa'rasanganga nabokoi dosa-dosana ke'nanga, nappala' doang mae ri Katte namangaku angkana dorakami siagang a'gau' ja'dala'mi ke'nanga, Kipilangngerimi pappala' doanna ke'nanga, o Batara.

YEREMIA 51:9

Tau annompanga ammantang anjoreng massing nakanamo para ia, ‘Niusahaimi antulungi Babel, mingka tala'mi! Bajikangngang nibokoimi anne pa'rasanganga nakimassing ammotere' mange ri pa'rasanganta. Nahukkummi Batara Babel siagang hukkungang lompo, naancuru' taba sikalimi.’ ”

KALAPPASSANG 32:31

Nampa a'lampa poleammo Musa andallekang ri Batara, na nakana, “Anjo bansaya le'ba'mi a'gau' dosa lompo. Appareki ke'nanga rewata battu ri bulaeng.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

NEHEMIA 1:6

Kicinikima' o Batara, siagang Kipilangngeri anne pappala' doang kupanaika ri Katte allo bangngi untu' umma' Israel, anjo atanTa ngaseng. Kumangakui angkana ikambe, umma' Israel, dorakami. Inakke siagang boe-boeku doraka tonga'.

PAMMUJI 38:5

Tallanga' lalang ri a'ba kasalangku, teai sipato' battala'na eranganna dosaku.

PIRAUNG 3:42

“Dorakami anne ikambe siagang angngewai mae ri Katte, o Batara, na tena Kipamopporangi ikambe.