EZRA 9:3 - KITTA' MATANGKASA'

³ Kulangngere'na anjo kammaya, sanna'mi lussa'na nyawaku, sa'genna kukekke' pakeangku nampa kubi'bu' uukku siagang janggokku nampa ammempo naung, ancuru' kusa'ring pa'maikku.

EZRA 9:3 Referans Kwoze

NEHEMIA 1:4

Kulangngere'na anjo kabaraka, ammempoma' naung nampa angngarru'. Pirangallo arei tuli si'na kusa'ring pa'maikku. Tulusu' appuasama' siagang appala' doang ri Allata'ala,

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.

MIKHA 1:16

He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

DANIEL 4:19

Nalangngere'na anjo kammaya, Daniel iamintu niarenga todong Beltsazar, ta'bangkami siagang kalanna'-lannassangi siapa are sallona. Jari, inakke, Karaeng Nebukadnezar kukanamo ri ia, “He Beltsazar, teako lussakki lanri ia anjo so'naya siagang battuanna.” Appialimi Beltsazar angkana, “O karaengku, baji' sikali ebara' angkana sikamma anjo apa nibotoa lalang ri anjo so'naya teai ikatte natuju passangalinna musu-musunta.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

YEHEZKIEL 3:15

Nakubattumo mange ri tampa'na sikamma tunipelaka ri Tel-Abib ri birinna Binanga Kebar. Tuju alloa' salloku ammantang anjoreng; kalanna'-lannassanga' lanri sikontu anjo apa kulangngereka siagang kucinika.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YEREMIA 7:29

Nakana Batara, “He pandudu' Yerusalem, susa mako! Polongi uu'nu nampa nupela'! Akkelongko kelong-kelong karru' irate ri coppo'-coppo' buluka, nasaba' iNakke, Batara larro siagang Kusorongboko ngasengko.

YESAYA 15:2

Pandudu'na Dibon angngambiki nai' ri buluka untu' mange angngarru' ri tampa' panynyombanga ri rewata-rewataya. Pandudu'na Moab si'nami angkarruki kota Nebo siagang Medeba. Nacukkuruki uu'na siagang janggo'na tanra susana ke'nanga.

PAMMUJI 143:4

Tappu'mi sumangakku, sanna' linguna pa'maikku.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

NEHEMIA 13:25

Kupakaingaki ke'nanga siagang kutunrai ke'nanga. Nia' todong kuba'ji siagang kuparuntang uu'na. Nampa kusuro ke'nanga assumpa lalang arenNa Allata'ala angkana ke'nanga siagang ana'-ana'na ke'nanga tenamo nalasicampuru' a'bunting pole.

2 KARAENG-KARAENG 18:37

Jari nakekke'mi pakeanna Elyakim, Sebna siagang Yoah a'jari pammatei ri si'nana pa'mai'na, nampa a'lampa mange allaporoki mae ri karaenga anjo apa le'baka napau anjo perwirana tantara Asyur.

KAIMANGNGANG 21:5

Se'rea imang takkulleai nagondolo' sipa'gang ulunna siagang takkulleai nacukkuru' janggo'na yareka naloko'-lokoki kalenna siagang bassi tarang lanri ero'na napappiassengang angkanaya natujui susa kamateang.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

PAMMUJI 119:53

Sanna' larroku mae ri tau ja'dalaka, lanri nabokoi hukkunTa.