EZRA 9:13 - KITTA' MATANGKASA'

¹³ Dorakami ikambe siagang nadakkaimi hukkunTa, kammayatompa Kihukkummi ikambe. Mingka naassengi ikambe, o Allata'alana ikambe, angkanaya anjo hukkunganTa mae ri kambe tenapa nasambattala' siratanga siagang battala'na dosana ikambe, ba'lalo Kipasalama' iji ikambe.

EZRA 9:13 Referans Kwoze

PAMMUJI 103:10

Tena Nahukkungki' simbattala'na dosata, yareka Nabalasakki' simbattala'na kasalanta.

PIRAUNG 3:22

Anjo pangngamaseanNa Batara sa'gennai satunggu-tungguna, tena la'busu'na passare baji'Na,

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

GALATIA 3:4

Maka tena matu-matunna anjo apa le'baka nutarima? Tena na sia-sia!

HABAKUK 3:2

O Batara, kulangngereki passala' panggaukanTa, na napirassi pa'maikku eroka mappakalompo. Poro Kipaollei anjo panggaukang malompoTa na Kipa'nyata ri anne jammanna ikambe. Poro Kikamaseangi ikambe manna pole nabambang nyawaTa.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

NEHEMIA 13:18

Kalanri dosa kammaya minne naNahukkung Allata'ala sikamma boeta siagang Naposso' anne kotaya. Apaka ero' ngasengko kamma-kamma anne antambai pangngalarroiNa Allata'ala mae ri Israel lanri nura'massinna allo Pammari-marianga?”