EZRA 9:12 - KITTA' MATANGKASA'

¹² Anjo na'bi-na'bia napisangkaimi ikambe a'bunting assicampuru' siagang sikamma anjo taua, yareka ambantui ke'nanga a'jari kalumanynyang siagang salewangang. Ebara' angkana mannuruki ikambe, la'jari kassaki ikambe siagang akkullei nakasia' baji' kammayatompa nasossorang turunganna ikambe wassele'na anjo buttaya, sa'genna satunggu-tungguna.

EZRA 9:12 Referans Kwoze

PAOLE 7:3

Takkulleako a'bunting siagang ke'nanga, siagang teako pa'biangngi ana'-ana'nu a'bunting siagang ke'nanga,

PAOLE 23:6

Lalang sikontu tallasa'na, tena sikali naNatulungi anjo bansa-bansaya yareka tena sikali naNapa'jari salewangang ke'nanga.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.

EZRA 9:2

Tubura'-bura'ne Yahudia a'buntingi siagang baine bansa maraenga, sa'genna umma'Na Batara le'baka Nasa'la', tenamo natangkasa'. Ba'lalo ia kaminang rioloa anggaukangi anjo kammaya, iamintu sikamma tutoa-toana siagang pamarentana Israel.

KALAPPASSANG 23:32

Teako appareki parjanjiang siagang anjo taua yareka siagang rewata-rewatana ke'nanga.

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

1 PATTOTTORANG 28:8

Nampa nakana pole Daud, “Jari kamma-kamma anne, ikau ngaseng ra'yakku, ri dallekanNa Allata'alata siagang ri dallekanna pa'rappunganna sikontu Israel umma'Na Batara anne, kupala' tojeng-tojengi ri kau ngaseng sollanna nuturuki sikontu parentaNa Karaeng Allata'alata. Lalang kammana anjo akkullei tuli nukammai anne pa'rasangang bajika siagang nusossorang mae ri turungannu sa'genna satunggu-tungguna.”