EZRA 7:17 - KITTA' MATANGKASA'

¹⁷ Pakemi siagang baji' anjo doeka untu' ammalli sapi laki, gimbala' laki, ana' gimbala', gandung, siagang anggoro'. Passareang ngasemmi anjo irate ri tampa' pakkoro'bangnganga ri Balla'Na Batara ri Yerusalem.

EZRA 7:17 Referans Kwoze

YOHANES 2:14

Nia'mo Narapikang siapa are pabalu' sapi, gimbala' siagang jangang-jangang bodobangkeng anjoreng ri Balla'Na Batara ri Yerusalem; nia' todong siapa are pasambe doe' ca'di ammempo anjoreng.

EZRA 7:18

Ia peraka siagang bulaeng ammantanga tassesa, akkullei nupake untu' kaparalluannu siagang sikamma agang-agannu, situru' ero'Na Allata'alanu.

YESAYA 16:1

Battu ri kota Sela ri parang lompoa, akkiringi bansa Moab ana' gimbala' mange ri tukoasaya ri Yerusalem, a'jari hadia.

PAMMILANGNGANG 15:3

Untu' koro'bang nitunu yareka koro'bang pa'bayara' tinja', yareka koro'bang ero' kalennu; yareka koro'bang ri sikamma allo lompo biasaya, akkulleko assare mae ri Batara iamintu: sapi laki, gimbala' laki, yareka bembe, yareka gimbala'. Rasanna anjo sikamma koro'banga napakasannangi nyawaNa Batara.

EZRA 6:12

Poro Allata'ala, Ia le'baka ampilei Yerusalem a'jari tampa' untu' manynyomba ri Ia, ampossoki sikamma karaeng yareka bansa barania andakkai anne parentaya na nacoba angngancuruki anjo Balla'Na Batara ri Yerusalem. Inakke, Darius amparentakangi anne. Gaukangi siagang baji'.”