EZRA 6:7 - KITTA' MATANGKASA'

⁷ kammayatompa teako halangi pambangunanna Balla' Sambayanna ke'nanga. Lappassammi guburnur Yehuda siagang sikamma pamimpinna tu Yahudia ambangungi ammotere' anjo Balla' Sambayanga.

EZRA 6:7 Referans Kwoze

EZRA 6:6

Nampa nabalasa'mo Darius anjo suraka. Ia bonena iamintu: “Mae ri Tatnai, guburnur propinsi Efrat bageang ilau', siagang Syetar-Boznai, kammayatompa sikamma pamarentaya ri Efrat bageang ilau'. Teako ganggui anjo tu Yahudia,

EZRA 6:8

Kamma-kamma anne kuparentakang ngasengko sollanna nubantu ke'nanga lalang anjo pambangunanga. Kamma anne batenu ambantui: Sikontu ongkoso' pambangunanga musti nuallei battu ri wassele' paja' negaraya ri propinsi Efrat bageang ilau' nampa musti nusareangi ke'nanga silinta'-linta'na.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.