EZRA 6:18 - KITTA' MATANGKASA'

¹⁸ Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

EZRA 6:18 Referans Kwoze

PAMMILANGNGANG 3:6

“Suroi suku Lewi battu andallekang, nampa nujo'jo' ke'nanga a'jari palayang-palayanna Harun.

1 PATTOTTORANG 24:1

Harun nia' appa' ana'na bura'ne, iamintu: Nadab, Abihu, Eleazar, siagang Itamar. Rioloangangi mate Nadab siagang Abihu na manggena ke'nanga. Tena ana'na ke'nanga namate. Lanri kammana, ia a'jaria imang iamintu sari'battanna ke'nanga, iamintu Eleazar siagang Itamar. Nabagemi Daud turunganna Harun lalang siapa are pa'rappungang situru' tugasa'na ke'nanga. Lalang nabagena Daud anjo pambageang pa'rappunganga, nibantui ri Zadok, turunganna Eleazar siagang Ahimelekh turunganna Itamar.

PAMMILANGNGANG 3:9

Battua ri bansa Israel, poro suku Lewi ji bawang kusare tugasa' a'jari palayang situlina mae ri Harun siagang jari-jarina.

1 PATTOTTORANG 25:1

Untu' ammimping sikamma pa'gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke'nanga nisare tugasa' untu' ampabattui pappasang battua ri Allata'ala siagang nirurungang musi' kacapi, gambusu', siagang simbala'. Untu' ammimping sambayang siagang massing-massing antekamma pa'gaukanna, nipilemi siapa are regu iamintu:

2 PATTOTTORANG 7:6

Sikamma imanga ammentengi ri tampa' le'baka nipattantu untu' pammantanganna ke'nanga; assidallekangi ke'nanga siagang tu Lewi ammujia ri Batara siagang musi' le'baka napare' Daud, nampa akkelong iamintu kelongang, “Mannannungangi PangamaseanNa!” situru' napassuroanga Daud. Sikamma imanga appasa'rai tarompe' nampa sikontu ra'yaka ammenteng kabusuki.

2 PATTOTTORANG 35:10

Ri wattunna sadia kabusu'mo untu' kasuarranna Allo Paskaya, massing mangemi ri tampa'na sikamma imanga siagang regu-reguna tu Lewia, sangkamma le'baka naparentakang karaenga.