EZRA 5:3 - KITTA' MATANGKASA'

³ Mingka linta'mi battu Tatnai, guburnur propinsi Efrat bageang ilau', siagang Syetar-Boznai, kammayatompa agang-aganna ngaseng mange ri Yerusalem nampa akkuta'nang ri tu Yahudia, angkana, “Inai assuro ngasengko ambangungi siagang ampa'langkaki anne Balla' Sambayanga?”

EZRA 5:3 Referans Kwoze

EZRA 6:6

Nampa nabalasa'mo Darius anjo suraka. Ia bonena iamintu: “Mae ri Tatnai, guburnur propinsi Efrat bageang ilau', siagang Syetar-Boznai, kammayatompa sikamma pamarentaya ri Efrat bageang ilau'. Teako ganggui anjo tu Yahudia,

EZRA 6:13

Anjo parentana Karaeng Darius nagaukang baji'mi Tatnai, guburnur Efrat bageang ilau', siagang Syetar-Boznai, kammayatompa sikamma agang-aganna ke'nanga.

EZRA 5:9

Nampa akkuta'nang ikambe ri sikamma pamimpinna anjo bansaya, angkana inai le'ba' assarei ising ke'nanga untu' ambangungi ammotere' anjo Balla' Sambayanga siagang ampa'langkaki.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

LAMPA-LAMPANA 4:7

Nierammi Petrus siagang Yohanes mae ri dallekanna ke'nanga. Nikuta'nammi ri ke'nanga angkana, “Antekamma batenu amballei anjo tau pesoka? Kagassingang apa yareka koasa battu kemae nupake anggaukangi anjo kammaya?”

MATIUS 21:23

Le'baki anjo ammotere'mi Isa mange ri Balla'Na Batara. Antama'mi angngajara' lalang. Sitabanna angngajara', battumi mae ri Ia imang-imang kapalaya siagang pamimping-pamimpinna tu Yahudia. Akkuta'nammi ke'nanga angkana, “Apa passabakkanna nakkulle Nugaukang ngaseng anne? Inai assareKo koasa?”

EZRA 7:21

Mae ri sikontu pangngurusu' doe' pamarentaya ri propinsi Efrat bageang ilau', kuparentakangi sollanna manna apa-apa mamo napala' Imang Ezra, panrita HukkunNa Allata'ala makoasaya ri suruga, musti nisarei linta',

EZRA 5:6

Iaminne laporang nakiringa ke'nanga mange ri karaenga,

EZRA 4:12

Poro kiassengi karaeng, angkanaya, anjo sikamma tu Yahudi le'baka ambokoi daera-daera maraenga lalang ri pamarentahanta, kamma-kamma anne nia'mi ammantang ri Yerusalem, nampa kamma-kamma anne nabangummi ammotere' anjo kota ja'dalaka siagang nangaia apparicu. Appakkaramulami ke'nanga ambangungi ammotere' tembo'-tembo'na siagang tasalloami nanapa'le'ba' anjo jamanga.

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.