EZRA 3:2 - KITTA' MATANGKASA'

² Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

EZRA 3:2 Referans Kwoze

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

1 PATTOTTORANG 3:17

Iaminne turungang battua ri Yoyakhin, karaeng nibetaya nanitarungku ri tu Babel. Nia' tuju ana'na bura'ne, iamintu: Sealtiel,

ZAKHARIA 6:11

Anjo bulaeng siagang pera' napassareanga ke'nanga, pareki se're songko' kalompoang siagang patabai mae ri ulunna Imang Malompo Yosua ana'na Yozadak.

ZAKHARIA 3:8

Pilangngeri, he ikau Imang Malompo Yosua, kammayatompa ikau ngaseng sikamma imang-imang aganna maraenga, ikau ngasemmi a'jari pangngebarang battu ri allo baji' labattua. Anjo wattua laKusuroi atangKu niarenga ‘I Cu'la'’.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

HAGAI 2:23

Ri anjo alloa, ikau Zerubabel, atangKu, laKuangkakko untu' ammarenta lalang arengKu. Nasaba' ikaumi le'ba' Kupile.” Batara Kaminang Koasaya anne akkana.

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

HAGAI 1:14

Kammami anjo bateNa Batara ampagioki atinna Guburnur Zerubabel, Imang Lompoa Yosua siagang sikontu tau niakamo ammotere' battu ri pammelakkanga, sollanna anjama ngaseng ke'nanga ambangungi Balla'Na Batara Kaminang Koasaya, Allata'alana ke'nanga.

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

PAMMUJI 78:68

Mingka Napilei suku Yehuda, siagang Bulu' Sion Nangaia.

NEHEMIA 12:8

Tu Lewi Pamimping kelong sukkuruka: Yesua, Binui, Kadmiel, Serebya, Yehuda, siagang Matanya.

NEHEMIA 12:1

Iaminne sikamma imanga siagang tu Lewia, ammotereka battu ri pa'rasangang pammelakkanga siaganga a'rurung Zerubabel ana'na Sealtiel siagang Imang Lompo Yesua:

1 PATTOTTORANG 3:19

Pedaya nia' rua ana'na bura'ne iamintu: Zerubabel siagang Simei. Zerubabel nia' rua ana'na bura'ne niarenga Mesulam siagang Hananya, na sitau ana' baine niarenga Selomit.

KALAPPASSANG 27:1

“Apparekko se're tampa' pakkoro'bangngang battua ri kayu akasia. Assulapa appaki pare'na; la'buna siagang sangkara'na massing-massing 2,2 metere' na tinggina 1,3 metere'.

EZRA 3:8

Jari ri bulang rua, lalang taung makarua ammotere'namo Israel mange ri Yerusalem, appakkaramulami ke'nanga ambangungi Balla'Na Batara ri Yerusalem. Zerubabel, Yesua siagang sikamma julu bansana, sikamma imanga, tu Lewia, bodona kana, sikontu anjo tau le'baka nipela', massing amminawang ngasengi anjama. Tu Lewi umuru' 20 taung na rateanna nisuroi untu' anjannangngi anjo jama-jamang pambangunanna Balla'Na Batara.

EZRA 5:2

Nalangngere'na pappasanna anjo ruaya na'bi, appakkaramulami linta' Zerubabel ana'na Sealtiel, siagang Yesua ana'na Yozadak, ambangungi ammotere' Balla'Na Batara ri Yerusalem, nampa nibantui ri anjo ruaya na'bi.

PA'JARIANG 12:7

Napappicinikammi KalenNa Batara mae ri Abram na Nakana ri ia, “Iaminne pa'rasangang laKupassareanga mae ri sossorannu.” Nampa ambangummo Abram se're tampa' pakkoro'bangngang anjoreng untu' Batara, ia le'baka ampappicinikangi KalenNa mae ri ia.

PAMMILANGNGANG 28:2

ampabattui mae ri bansa Israel angkanaya musti naparhatikangi siagang baji' ke'nanga sollanna punna narapiki allo-allo le'baka nipattantu, assarei ke'nanga koro'bang-koro'bang a'rupa kanre-kanreang ampakasannangai nyawaNa Batara.

HAKING-HAKING 6:24

Appare'mi Gideon se're tampa' pakkoro'bangngang anjoreng, nampa naareng “Batara Kabattuanna Kasalamakkanga.” Anjo tampa' pakkoro'bangnganga nia' iji ri Ofra, iamintu ri kotana tu Abiezer.

1 PATTOTTORANG 23:14

Ana'-ana' bura'nena Musa, iamintu atanNa Allata'ala, nipantamai ri golongang suku Lewi.)

EZRA 10:18

Iaminne dattara' areng-arenna tu bura'ne a'buntinga siagang baine bansa maraeng: Sikamma imanga, nidattaraka siagang golonganna: Golongan Yesua siagang sikamma sari'battanna, ana'-ana'na Yozadak, Eliezer, Yarib siagang Gedalya.

EZRA 10:20

Golongang Imer: Hanani siagang Zebaja.

EZRA 10:21

Golongan Harim: Maaseya, Elia, Semaya, Yehiel siagang Uzia.

EZRA 10:22

Golongang Pasyhur: Elyoënai, Maaseya, Ismael, Netaneel, Yozabad, siagang Elasa.