EZRA 1:4 - KITTA' MATANGKASA'

⁴ Punna nia' sitau battu ri umma'Na ri anne tampa' pammelakkanga parallu bantuang untu' ammotere', sikamma siampi' balla'na musti nasarei anjo bantuanga. Musti nasarei ke'nanga pera' siagang bulaeng, untu' bokong ri aganga, siagang olo'-olo' pattekekang, kammayatompa sikamma passare untu' ambangungi Balla'Na Batara ri Yerusalem.”

EZRA 1:4 Referans Kwoze

1 PATTOTTORANG 29:3

Ba'lalo lanri mangngaiku mae ri anjo Balla'Na Allata'alaku, kupassareang tommi perakku siagang bulaengku, iamintu barang-barang kalengku:

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

LAMPA-LAMPANA 24:17

Le'baki pirang taung are kubokoi Yerusalem, ammotere'ma' mange anjoreng angngerang doe' bantuang mae ri bansaku, siagang ero' angngerang koro'bang mae ri Allata'ala.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

1 PATTOTTORANG 29:9

Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

2 PATTOTTORANG 31:14

Kore ana'na Yimna, tu Lewi, a'jari kapala pangawala' ri Pakke'bu' Lompo Timboro'na Balla'Na Batara, nisarei tugasa' untu' antarimai passare-passare nipassareanga mae ri Batara, nampa nabage-bage.

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

YESAYA 10:21

Bansa Israel niaka sike'de' tassesa latobaki mae ri Allata'ala kaminang porea.