ESTER 8:15 - KITTA' MATANGKASA'

¹⁵ Le'baki anjo nabokoimi Mordekhai balla'na karaenga. Ammakei pakeang kalompoang gauka siagang keboka tanja'na, ammake juba lame butung battu ri kaeng lenang halusu' tanja'na, kammayatompa ammakei songko' bulaeng sannaka ga'gana. Akkiok-kio'mi taua ri kota Susan napakamma rannu.

ESTER 8:15 Referans Kwoze

ESTER 3:15

Akkaro-karomi a'lampa sikamma tunisuroa a'lampa angngantaraki anjo sikamma suraka mange ri sikontu propinsi niaka ri anjo kakaraenganga. Lanri passurona karaenga, nipa'la'bang tommi anjo parentaya ri kota Susan, iamintu ibukotana Persia. Le'baki anjo ammempo-mempomi karaenga siagang Haman, angnginung anggoro'. Mingka a'jari gegere' lompomi taua ri kota Susan passala' anjo parentaya.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

PANGNGEBARANG 29:2

Punna tau adele' ammarenta, rannui ra'yaka. Mingka punna tau ja'dala' koasa, sessai ra'yaka.

ESTER 1:6

Anjo paranglakkenga nibelo-beloi siagang gordeng kaeng lenang gauka nipare' siagang kaeng lenang kebo'. Nampa nisikko' anjo kaeng gordenga siagang otere' kaeng lenang halusu'. Le'baki anjo nipasai'mi ri ponto-ponto niaka nipasang ri benteng-benteng tembo' accillaka. Irawanganna nia' niboli' siapa are koi bulaeng siagang koi pera', ia ta'dongkoka irate ri dapara' tembo' laccuka na kebo'. Anjo daparaka nibelo-beloi tanja'na. Na anjo belo-belona sanrapangi nicini' kaca eja a'lisereka, siagang kuli' mutiara accilla', kammayatompa paramata gau'.

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

MATIUS 6:29

u'rangi sai antekamma kalumanynyanna anjo Karaeng Salomo, mingka tenapa nabajikangang pakeanna naanjo bunga-bungaya!

ESTER 6:11

Mangemi Haman angngallei anjo pakeanga siagang jaranga, nampa napipakei anjo Mordekhai siagang anjo pakeanga. Le'baki nai' Mordekhai ri anjo jaranga, a'lampami Haman anrurungangi siagang tau jaia allalo ri paranna kotaya. Akkiok-kio'mi angkana, “Ciniki, kammaminne carana karaenga ambilang lompoi tau napakala'birika!”

ESTER 5:1

Ri makatalluna allo puasana, napakemi Ester pakeang ratuna, nampa a'lampa mange ri paranglakkeng lalanna balla' karaenga. Ammentengi ri dallekang pakke'bu'na balla' luara' passe'reang taua ri dallekanna karaenga. Anjo wattua sitabangi ammempo karaenga irate ri empoang kala'biranna, a'dalle' mange ri anjo pakke'buka.

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

ESTER 8:14

A'lampami anjo sikamma tunisuroa, a'dongko' jaranna karaenga. Kammayatompa ri Susan, ri ibukotana anjo pa'rasanganga, nibaca tommi anjo parentaya.

ESTER 10:2

Sikontu anjo panggaukang lompona siagang hebaka, kammayatompa yangasenna riwaya'na ri passala' antekamma batena naangka' Mordekhai a'jari tau tinggi pangka'na, niaki nicata' lalang ri kitta' riwaya'na sikamma karaeng-karaeng Persia siagang Media.

PANGNGEBARANG 11:10

Accayai kotaya punna anggappa dalle' tau lambusuka; akkio' rannui ra'yaka punna mate tau ja'dalaka.

PANGNGEBARANG 28:12

Punna tau baji' ammarenta, sannang ngasengi taua, punna tau ja'dala' ammarenta, accokkoi ra'yaka.