ESTER 8:10 - KITTA' MATANGKASA'

¹⁰ Anjo sura'-suraka natekengi Mordekhai lalang arenna Karaeng Ahasyweros siagang nasaremi sitempele' karaeng. Nampa nasuro Mordekhai siapa are jaina suro, untu' angngantaraki anjo sura'-suraka mange ri sikontu propinsi niaka lalang ri kakaraenganga. Sangnging jarang lacciri'na karaenga napake ke'nanga.

ESTER 8:10 Referans Kwoze

DANIEL 4:1

Iaminne apa napa'la'banga Karaeng Nebukadnezar, ia nakiringa mae ri sikamma tau niaka battu ri sikontu bansaya, suku bansaya siagang bahasaya, ri sikontu linoa: “Salama' battu ri nakke!

YEREMIA 51:21

Kupakeko untu' angngancuruki jaranga siagang pabaena, kammayatompa karetana siagang tau a'dongko'na.

YEREMIA 2:23

Barani tojengko angkana tena nupalla', siagang tenale'bakako amminawang ri Rewata Baal! Ciniki gio'-gio'nu ri lappara'na ka'bunga, u'rangi kaja'dallannu siagang akuimi! Rapangko unta gana balereka, piti lari-lari takkulle nilewai,

YESAYA 66:20

Battu ri anjo sikammaya pa'rasangang, lanaerangi ammotere' ke'nanga sikamma sari'battang julu bansanu, a'jari hadia mae ri Nakke. Lanaerangi ke'nanga sikamma anjo taua mange ri bulu' matangkasakKu ri Yerusalem, a'dongko' jarang, keledai, unta, kareta siagang bendi, kamma biasaya nagaukang tu Israel punna a'lampa ke'nanga mange ri Balla'Na Batara ri Yerusalem untu' assare passare gandung lalang pammoneang tangkasa'.

YESAYA 60:6

Nikatulungi pa'rasangannu ri unta jaia, battua ri Midian siagang Efa. Tu battua ri Syeba angngerangi bulaeng siagang kamanynyang, na napuji-puji gau'Na Batara.

KATO'BA 8:4

Appanggaukangi karaenga lanri koasana; tena barani anggeakki!

AYUB 9:25

Allalo karo-karomi sikamma allo tallasakku, nampa allanynya' natena nabaji' nasa'ring.

2 PATTOTTORANG 30:6

Lanri parentana karaenga siagang pagawe-pagawena nikirimmi a'lampa sikamma tunisuroa mange ri sikontu daera Yehuda siagang Israel untu' angngerangi anjo suraka. Kammami anne bonena anjo suraka, “Kupabattui mae ri sikontu ra'ya' Israel! Le'ba' kabusu' mako ta'lappasa' battu ri kakoasanna tu Asyur. Kamma-kamma anne siratang mako ammotere' anynyomba mae ri Batara, Allata'ala nisombaya ri Abraham, Ishak, siagang Yakub, sollanna ammotere' todong untu' antulungko.

1 KARAENG-KARAENG 21:8

Annulisi'mi sura' Izebel lalang arenna Ahab nampa nabonei segele'na karaenga anjo suraka. Nampa nakiring anjo suraka mae ri pamimping-pamimping siagang tutoa-toana masarakaka ri Yizreel.

1 KARAENG-KARAENG 4:28

Massing-massing anjo bupatia, assare tongi gandung siagang rarame untu' kanre jaranna ngaseng Salomo, baji' najarang bae kammayatompa jarang karetaya. Kanrena anjo olo'-oloka nierangi mange ri bara-barana jaranga siganna'na naparalluanga.

ESTER 8:8

Mingka anjo sura' le'baka nitulisi' siagang nisitempele' lalang arenna karaenga, takkulleai nibeso' ammotere'. Mingka kusare ngasengko ising untu' annulisi' sura' ri passala'na bansa Yahudia, apa-apa mamo nukanaya baji' ri panggappanu. Tulisi'mi anjo suraka lalang arengku, siagang saremi sitempele'na karaenga.”

DANIEL 6:8

Ikambe ngaseng anne angngurusukai kakaraenganta, baji' sikamma pangawasa', sikamma guburnur, wakkele'-wakkele' guburnur kammayatompa pagawe-pagawe maraengannaya, assituju kabusu' maki' untu' angngussuluki mae ri katte karaeng, sollanta appasulu' sura' parenta, mustia nituruki tojeng-tojeng. Kiparentakang laloi sollanna lalang tallumpulo allo tena manna sitau nipa'biang appala' doang mae ri kalase'renna rewataya yareka rupataua, pantaranganna mae ri kalenta bawang. Inai-nai andakkai anjo parentaya lanipasambilai antama' ri leang singaya.