ESTER 5:3 - KITTA' MATANGKASA'

³ Akkuta'nammi karaenga nakana, “Apa kutadeng ratuku? Apa nukaeroki? Manna nupala' bageruanna kakaraengangku, lakusare tonjako.”

ESTER 5:3 Referans Kwoze

MARKUS 6:23

Nampa najanji Herodes anjo tuloloa. Assumpai nakana, “Manna apa nupala' tena takusarenu, manna pole tawaruanna anne pamarentangku!”

ESTER 7:2

Lalang angnginunna anggoro', akkuta'nammi pole karaenga ri Ester angkana, “Jari kamma-kamma anne ratuku, apa nukaeroki? Paumi! Mattantu lakusareangko, manna bageruanna kakaraengangku nupala'”

ESTER 9:12

Nakanamo karaenga ri Ratu Ester, “Ri Susan bawang nania' 500 tau nabuno tu Yahudia, antama' tommi sampuloa anrua ana'na Haman. La'biangampa ri propinsi-propinsia! Apa aremi kutadeng nagaukang ke'nanga anjoreng! Jari, kamma-kamma anne, apa pole nupala'? Pau mami, mattantu lanugappai!”

ESTER 5:6

Ri wattunna angnginung anggoro', akkuta'nammi karaenga angkana, “Kamma-kamma anne paumi apa nukaerokia. Manna apa nupala' tena takusarenu, manna pole nabageruanna anne kakaraengangku!”

1 KARAENG-KARAENG 3:5

Anjo bangngia napappicinikangi KalenNa Batara mae ri ia lalang so'na siagang nakana, “Salomo, pala'mi apa nukaerokia, nampa Kusareangko anjo apa nupalaka!”

1 KARAENG-KARAENG 2:20

Ammemponamo, nakanamo Batsyeba, “Nia' ero' kupala' sike'de' battu ri kau. Kuminasai natenaja nutea.” Akkuta'nammi Salomo angkana, “Apa kutadeng amma'? Tena kulatea.”

LUKAS 18:41

“Apa nukaeroki Kugaukang ri kau?” Appialimi anjo tau butaya nakana, “O Batara, erokka' accini'.”

ESTER 5:4

Appialimi Ester angkana, “Punna kierokangi karaeng, kuminasai kibattu anne bangngia siagang Haman, mae ri parjamuang napareka atanta untu' ikatte.”

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

LAMPA-LAMPANA 23:19

Nata'gala'mi anjo komandanga limanna anjo turungkaya nampa naerang mange ri sa'riang akkale-kale. Nampa nakuta'nang nakana, “Apa ero' nupabattu mae ri nakke?”