ESTER 4:14 - KITTA' MATANGKASA'

¹⁴ Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

ESTER 4:14 Referans Kwoze

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEREMIA 46:28

Jari teako mallakki, he ummakKu, labattuA' untu' ampasalamakko. Bansa-bansa, tampa'nu Kupasiara', laKupanraki kabusuki, mingka ikau tena Kupakammako. Memang, tena nulata'lappasa' battu ri hukkungang mingka hukkungangKu mae ri kau adeleki situru' katantuanga. INakke, Batara, anne akkana.”

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

ESTER 2:15

Na narapi'mo kasampatanna Ester untu' mange andallekang ri karaenga. Anjo Ester, ana'na Abihail, cikalinna Mordekhai ia angngangkakai a'jari sangkamma ana' kalenna. Takkajannang ngasemmi sikamma tau ancinikai Ester. Ri wattunna mange Ester andallekang ri karaenga, ammakeangi situru' pattujunna siagang pangngajara'na Hegai, kapala palayanga ri balla' karaeng bainea.

MATIUS 24:22

Na ka'de' tena Napa'jari sinampeki Allata'ala anjo wattu kasusaang lompo dudua, ma'nassa manna sitau tenamo lakkulle salama'. Mingka lanri Nau'ranginna umma'Na, Napa'jari sinampe'mi Allata'ala anjo wattu kasusaang lompo dudua.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

ESTER 2:7

Nia' cikalinna tulolo, sannaka ga'gana tanja'na siagang sannaka baji'na kalenna. Arenna iamintu Ester, naareng Ibranina iamintu Hadasa. Matemi tau toana, nanipa'jari ana' piaramo ri Mordekhai, nipasangkamma ana' kalenna.

PA'JARIANG 22:14

Naaremmi Abraham anjo tampaka “Napasadiai Batara apa niparalluanga.” Na sa'genna kamma-kamma anne tuli nakanana taua “Irate ri bulu'Na Napasadiai Batara apa niparalluanga”.

NEHEMIA 6:11

Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

2 KARAENG-KARAENG 19:3

Iaminne pasanna Hizkia napabattua ke'nanga mae ri Yesaya, “Anne alloa natujua' susa; nihukkungki' siagang nitunaiki'. Rapangki' baine eroka ammana' mingka tenamo kagassinganta.

1 SAMUEL 17:29

Appialimi Daud angkana, “Apa kasalangku? Nakke poro akkuta'nanja' bawang!”

HAKING-HAKING 15:6

Nasalidikimi tu Filistin angkana inai anjo ampanggaukang kamma. Na nipauammo ke'nanga angkana Simson ampanggaukang, lanri le'baki napassareang matoang bura'nena ri Timna anjo bainenna Simson mae ri aganna Simson. Jari nitunumi ri tu Filistin anjo bainea siagang sikontu bone balla'na manggena, sa'genna la'busu'.

AYUB 9:18

TaNapa'biangnga' a'mai' manna sinampe'ja; ba'lalo Napitambungianga' pa'risi' lompo.

KAIMANGNGANG 26:42

laKuu'rangimi parjanjiangKu siagang Yakub, Ishak siagang Abraham. LaKuberui janjingKu untu' ampassareangi anjo buttaya mae ri bansaKu.

2 KARAENG-KARAENG 13:5

Napassareammi Batara mae ri tu Israel sitau pamimping untu' allappassangi ke'nanga battu ri kakoasanna Siria sa'genna a'jari sannammo ammotere' katallassanna ke'nanga sangkamma riolo.

ESTER 4:13

Jari akkirimmi pappakainga' Mordekhai mae ri Ester angkana, “Teako pikkiriki angkana lala'bi amangko na tu Yahudi maraenga lanri nukanana kaikau ammantangko ri balla' karaenga!

ESTER 4:15

Jari akkirimmi kabara' Ester mae ri Mordekhai angkana,

ESTER 2:17

Napa'jari sannammi siagang napakasunggumi nyawana karaenga la'biangngang natulolo maraengannaya. Lanri kammana, iami kaminang ningai ri karaenga. Jari nipipakeimi ri karaenga songko' karaeng, iamintu nipadongkoki ri ulunna Ester. Nipa'jarimi ratu ansambeangi Ratu Wasti.

KATO'BA 3:7

wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.