ESTER 3:5 - KITTA' MATANGKASA'

⁵ Teaimi sipato' larrona Haman ri wattunna naasseng angkana taerokai Mordekhai assu'ju' ri ia.

ESTER 3:5 Referans Kwoze

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

ESTER 5:9

Ammotereki Haman battu ri parjamuang napareka Ester. Sannang sikali pa'mai'na siagang sanna' rannuna anjo ammotere'na. Mingka ri wattunna nacini' Mordekhai ri pakke'bu' lompona balla' karaenga nataeroka ammenteng untu' ansombai, a'jarimi sanna' larrona.

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

ESTER 3:2

Naparentakammi karaenga sikontu pagawena sollanna napakala'biri' anjo Haman siagang su'ju' ri dallekanna. Sikontu pagawea naturuki anjo parentaya, pantaranganna Mordekhai.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

PANGNGEBARANG 12:16

Punna kasi'rikang tau toloa, anjo wattua napau memammi pa'risi' pa'mai'na; mingka tau cara'deka tanapaduliai punna nicallai.

AYUB 5:2

Tau toloaji bawang matea lanri pa'risi' nyawana.

ESTER 1:12

Mingka ri wattunna napabattu anjo sikamma palayanga parentana karaenga mae ri Ratu Wasti, taerokai ratua battu. Sa'genna teaimi sipato' larrona karaenga.

ESTER 3:4

Allo-allona ke'nanga assuroa tojengi sollanna naturukimo, mingka tena naero' appilangngeri. Nakana, “Inakke tu Yahudia'; takkullea' nakke su'ju' ri rupataua.” Napabattumi ke'nanga anjo passalaka ri Haman, lanri eroki naasseng ke'nanga angkana apa lanagaukang Haman ri Mordekhai.

KATO'BA 10:6

Tau dongoka nisarei empoang mala'biri', na pamimpinga tanggappaya apa-apa.

PAMMUJI 37:12

Tu ja'dalaka a'rancanai kaja'dallang mae ri tu bajika, na birisi' ke'nanga anciniki.