ESTER 3:2 - KITTA' MATANGKASA'

² Naparentakammi karaenga sikontu pagawena sollanna napakala'biri' anjo Haman siagang su'ju' ri dallekanna. Sikontu pagawea naturuki anjo parentaya, pantaranganna Mordekhai.

ESTER 3:2 Referans Kwoze

FILIPI 2:10

Jari, sollanna nipakala'biri' Isa, sikontu apa-apa attallasaka ri suruga, siagang ri linoa, siagang rawanganna linoa, lanynyomba ngasemmi mae ri Ia.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

ESTER 5:9

Ammotereki Haman battu ri parjamuang napareka Ester. Sannang sikali pa'mai'na siagang sanna' rannuna anjo ammotere'na. Mingka ri wattunna nacini' Mordekhai ri pakke'bu' lompona balla' karaenga nataeroka ammenteng untu' ansombai, a'jarimi sanna' larrona.

ESTER 3:5

Teaimi sipato' larrona Haman ri wattunna naasseng angkana taerokai Mordekhai assu'ju' ri ia.

ESTER 3:1

Siapa are wattu ribokoanganna angngangka'mi Karaeng Ahasyweros sitau kapala pamarenta, iamintu niarenga Haman. Anjo Haman, ana'na Hamedata, turungang battu ri Agag.

ESTER 2:21

Ri se'reang allo, ri wattunna nagaukang tugasa'na Mordekhai, nia'mo rua pagawe kalenna karaenga, iamintu niarenga Bigtan siagang Teres, assikongkoloki ero' ambunoi Karaeng Ahasyweros, lanri sanna' birisi'na ke'nanga ri ia.

ESTER 2:19

Na ilalanna anjo wattua niangka'mi Mordekhai ri karaenga a'jari pagawe.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

KALAPPASSANG 17:16

Nakana Musa, “Ta'galaki tinggi-tinggi banderaNa Batara! KalenNa Batara a'bundu' angngewai tu Amalek sa'genna satunggu-tungguna!”

KALAPPASSANG 17:14

Nakanamo Batara ri Musa, “Tulisiki anne passala' pammetanga sollanna tuli niu'rangi. Paui mae ri Yosua angkanaya iNakke ampanraki anjo tu Amalek.”

PA'JARIANG 41:43

Nampa napassareang mae ri Yusuf kareta kakaraengang makaruaya untu' napake Yusuf, siagang a'jappami pangawala' kala'biranna karaenga ri dallekanna anjo karetaya, nakkiok-kio' anjo pangawalaka angkana, “Tutuko! Sarei oloang! Sarei oloang!” Kammaminjo naniangka'mo Yusuf a'jari guburnur mange ri sikontu Mesir.

ESTER 2:5

Anjoreng ri kota Susan, nia' se're tu Yahudi niareng Mordekhai, ana'na Yair. Ia turungang battu ri Kis siagang Simei, battu ri suku Benyamin.

ESTER 3:3

Akkuta'nangi ri ia sikamma pagawe maraenga ri balla' karaenga angkana angngapa natanaturukia parentana karaenga.

DANIEL 2:49

Mingka lanri pappala'na Daniel, napassareammi karaenga anjo pamarentahang propinsi Babel mae ri Sadrakh, Mesakh siagang Abednego, nampa kalenna Daniel ammantangi ri balla' karaenga.