ESTER 2:17 - KITTA' MATANGKASA'

¹⁷ Napa'jari sannammi siagang napakasunggumi nyawana karaenga la'biangngang natulolo maraengannaya. Lanri kammana, iami kaminang ningai ri karaenga. Jari nipipakeimi ri karaenga songko' karaeng, iamintu nipadongkoki ri ulunna Ester. Nipa'jarimi ratu ansambeangi Ratu Wasti.

ESTER 2:17 Referans Kwoze

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

ESTER 1:11

Nasuromi ke'nanga angngerangi Ratu Wasti battu ri dallekanna nanapake songko' kakaraenganga ri ulunna. Anjo ratua teai sipato' ga'gana, nampa ero' napappicini'-cinikang kaga'ganna anjo bainenna mae ri sikamma tumalompoa siagang sikamma toananna.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.

ESTER 2:16

Kammaminjo, ri makatujuna taung ammarenta Karaeng Ahasyweros, ri bulang sampulo, iamintu niarenga bulang Tebet, nierammi Ester mange andallekang ri Karaeng Ahasyweros ri balla' karaenga.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.