ESTER 2:15 - KITTA' MATANGKASA'

¹⁵ Na narapi'mo kasampatanna Ester untu' mange andallekang ri karaenga. Anjo Ester, ana'na Abihail, cikalinna Mordekhai ia angngangkakai a'jari sangkamma ana' kalenna. Takkajannang ngasemmi sikamma tau ancinikai Ester. Ri wattunna mange Ester andallekang ri karaenga, ammakeangi situru' pattujunna siagang pangngajara'na Hegai, kapala palayanga ri balla' karaeng bainea.

ESTER 2:15 Referans Kwoze

KELONG MALA'BIRI' 6:9

mingka se'reji bawang bodobangkengku, minasangku, ana' sitau nisayanna ri amma'na. Sikamma tulolo accinika mammuji ngaseng ri ia, sikamma baine karaeng siagang baine piarana lannasa' ngaseng.

ESTER 2:3

Kiangka'mi ri sikontu daera propinsia ri anne kakaraenganga siapa are pagawe untu' a'boya tulolo-tulolo ga'ga, nampa naerang ngaseng ke'nanga anjo tuloloa mae anrinni ri Susan, ri balla' karaeng bainea. Hegai, kapala palayanga ri balla' karaeng bainea langngurusuki ke'nanga siagang nasare ke'nanga sikamma apa-apa parallua untu' amparakai kaga'ganna ke'nanga.

LAMPA-LAMPANA 7:10

nanitulung battu ri sikontu kasusaanna. Nisarei ri Allata'ala kabajikang pa'mai' siagang kacara'dekang ri wattunna andallekang ri Firaun karaenga ri Mesir. Sa'genna niangka' a'jari Tumalompo ri pa'rasangang Mesir, siagang tukoasa ri Balla' Lompona Karaeng Firaun.

ESTER 9:29

Pantaranganna anjo, siagang anjo sura'na Mordekhai, Ratu Ester, ana'na Abihail, annulisi' tommi sura' makarua, untu' ampakajarreki bonena sura'na Mordekhai ri passala'na anjo allo Puringa.

KELONG MALA'BIRI' 8:10

Inakke anne rapanga' se're tembo', na susungku rapang a'jari menarana. Naassengi tanringku angkana punna niakka' ri ia lamate'nei pakkasiakku.

ESTER 2:14

Nierangi mange ri balla'na karaenga ri wattu bangngi, nampa ammukona nierangi mange ri balla'na karaenga maraenganga, nampa niurusu' ri Saasgas, iamintu pangngurusu'na sikamma baine piarana karaenga. Takkulleami anjo tuloloa lamange andallekang pole ri karaenga punna tena nakaerokangi karaenga siagang nikioki na napau arenna.

ESTER 2:16

Kammaminjo, ri makatujuna taung ammarenta Karaeng Ahasyweros, ri bulang sampulo, iamintu niarenga bulang Tebet, nierammi Ester mange andallekang ri Karaeng Ahasyweros ri balla' karaenga.

ESTER 8:1

Anjo memang alloa napassareammi Karaeng Ahasyweros sikamma pa'barang-baranganna Haman mae ri Ester; Haman, musu lompona tu Yahudia. Napaumi Ester mae ri karaenga angkana accikali siagang Mordekhai. Jari appakkaramula anjo wattua nisaremi ha' anjo Mordekhai untu' battu andallekang ri karaenga manna tanisuro kio' la'bi riolo.

PANGNGEBARANG 15:33

Mallaka mae ri Batara, iami dasara'na ajarang bajika; kala'biranga nipirioloi ri matuna pa'maika.