ESTER 10:1 - KITTA' MATANGKASA'

¹ Karaeng Ahasyweros napassai taua anjama; teai ri ra'ya' niaka bawang ri biring-biring tamparang napassa anjama, mingka manna sikamma ra'ya' niaka ri padalamang lalang ri kakaraenganna napassa ngasengi anjama.

ESTER 10:1 Referans Kwoze

YESAYA 24:15

na tau niaka ri bageang iraya lamammuji mae ri Ia. Pandudu' niaka ri biring tamparanga lanapakala'biriki Batara, Allata'alana Israel.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

LUKAS 2:1

Anjo wattua Karaeng Agustus ammarenta ri pa'rasangang Roma. Sitabangi nisuro bilang ngaseng sikontu tuma'buttaya niaka lalang parentana.

DANIEL 11:18

Le'baki anjo lanabunduki bansa-bansa niaka ri biring tamparanga, najai na nabeta. Mingka nia' sitau karaeng bansa maraeng lampamari anjo gau' appakatunana; ba'lalo lanibalasaki anjo gau' appakatunaya mae ri ia.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

ESTER 8:9

Anjo memang alloa, iamintu ri tanggala' 23 bulang tallu, iamintu niarenga bulang Siwan, nakio'mi Mordekhai sikamma jurutulisi'na karaenga. Nampa naparentakang ke'nanga annulisi' sura' mange ri sikamma guburnur, bupati, siagang tumalompoa ri anjo 127 propinsi, appakkaramula battu ri India sa'genna mange ri Sudan. Anjo sura'-suraka ngaseng nitulisiki lalang bicara siagang tulisang niaka ri massing-massing propinsia. Nakiring tommi anjo suraka mange ri tu Yahudia, lalang bahasana siagang lalang tulisanna tu Yahudia.

ESTER 1:1

Ri Susan, ibukotana Pa'rasangang Persia, nia' se're karaeng ammarenta, niarenga Ahasyweros. Pa'rasangang naparentaya nia' 127 daera propinsi, appakkaramula battu ri daera India sa'genna mae ri daera Sudan.

PA'JARIANG 10:5

Iami ke'nanga a'jari boe-boena sikamma bansa ammantanga ri sikamma biring tamparanga siagang ri pulo-puloa. Ia ngasemmi anjo sossoranna Yafet. Massing-massing bansa siagang suku ammantammi ri massing pa'rasanganna, siagang massing nia' tommo bahasa kalenna.