EFESUS 6:9 - KITTA' MATANGKASA'

⁹ Ikau a'jari pinggawaya! Paralluko assipa' kamma todong anjo mae ri pajama-jamanu. Tea' mako pakei sipa'-sipa' a'garattaka siagang appakamallaka. U'rangi angkanaya ikau siagang anjo pajama-jamanu, nia' se're pinggawa nupa'jului, iamintu Batara ri suruga. Anjo Batara tena nammile tau.

EFESUS 6:9 Referans Kwoze

KOLOSE 3:25

Na manna pole inai punna salai, lanatanggongi anjo sikamma kasalanna; nasaba' tena Nammile tau Batara.

LAMPA-LAMPANA 10:34

Nakanamo Petrus, “Kamma-kamma anne ma'nassa nupahang tojemmi angkanaya Napasangkamma ngasengi Allata'ala sikamma rupataua.

ROMA 2:11

Nasaba' Napasangkamma-kamma ngasengi Allata'ala sikamma rupataua.

LUKAS 6:31

Gaukammi ri parannu tau apa nukaerokia nagaukang ke'nanga ri kalennu.

MATIUS 7:12

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

PAOLE 10:17

Karaeng Allata'alanu ri tompo'na sikontu rewataya siagang irateanganna sikontu kakoasanga. Iami Allata'ala mala'biri' siagang makoasaya, mustia nituruki ero'Na. TaNangaiyai angngalle sialia siagang tena todong Naero' annarima passare nipacoco'.

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

YAKOBUS 2:8

Nugaukammi annabaya, punna nugaukang hukkung Kakaraengang niaka tattulisi' lalang ri Kittaka angkanaya, “Paralluko angkamaseangi parannu tau, sangkamma nukamaseanna batangkalennu.”

YOHANES 13:13

Nukio' GuruA' siagang Batara. Anjo siratang memangi.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

1 KORINTUS 7:22

Nasaba' punna nia' se're ata tappa'mi mae ri Batara, anjo taua a'jarimi umma'Na Batara siagang a'jarimi tau bebasa'. Na punna nia' tu bebasa' a'jari tappa'mo mae ri Batara, a'jarimi atanNa Almasi.

MATIUS 24:51

Niba'jimi anjo palayanga ri karaenna sa'ge patea-teana, nampa nipela' antama' ri pammantanganna tau munapeka. Lasessa sikalimi siagang langngarru'-arru'mi ke'nanga angkarruki sarenna.”

MATIUS 24:48

Mingka punna kodi sipa' anjo palayanga, lanakanamo lalang ri nyawana,

MATIUS 22:10

A'lampa ngasemmi anjo palayanga. A'lampami ke'nanga ri agang-agang lompoa nanapa'rappungang ngaseng tau nabuntuluka ke'nanga, baji'na tau bajika kammayatompa tau ja'dalaka. Rassimi anjo balla' passua'-suarrang pa'buntinganga napakamma jaina toana.

MATIUS 22:8

Le'baki anjo nakio'mi pala'-palayanna maraenganga. Nakana ri ke'nanga, ‘Sadiami passua'-suarranga, mingka tena ngaseng nasiratang anjo tau le'baka niburittai.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 3:6

Inai-nai tena naturuki anne parentaya, lanipasambila silalonnai antama' ri pepe' a'rinra-rinraya.”

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

KATO'BA 5:8

Ba'lalo manna karaenga tanjeng tongi mae ri wassele' kattoa.

PAMMUJI 140:12

Boli'mi kamma nituju ri bala lompo tau anggaukangai katerassanga, teaKi' lappassangi ammantang ri lino tau nangaia appitina.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.