EFESUS 6:7 - KITTA' MATANGKASA'

⁷ Anjo jamang nugaukanga salaku ata, parallui nugaukang siagang rannu pa'mai', sanrapang angkana nugaukangi mae ri Batara, jari teai poro mae ri rupataua bawang.

EFESUS 6:7 Referans Kwoze

KOLOSE 3:23

Jama-jamang apa mamo nugaukang, parallui nugaukang situlusu'na pa'mai'nu; sanrapang angkanaya untu' Batara nanugaukangi anjo jamanga, teai untu' rupataua bawang.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

2 KARAENG-KARAENG 5:13

Mingka nalangngere'mi palayang-palayanna akkana kamma. A'reppese'mi ke'nanga nampa angkana, “Bapa', ebara' angkana nisuroki' anggaukang apa sukkara', mattantuna lakigaukangi. La'biangampa kanasurojaki' bawang a'je'ne' sollanta a'jari baji!”

PA'JARIANG 31:6

Ikau sipa'rua nuasseng tommi angkanaya inakke le'ba'ma' anjama terasa' tojeng untu' bapa'nu.

ROMA 6:17

Mingka sukkuru' maki' mae ri Allata'ala! Nasaba' riolo a'jari atako ri dosaya, mingka kamma-kamma anne nuturuki tojeng-tojemmi pangngajarang annabaya, le'baka nipassareang mae ri kau.