EFESUS 6:5 - KITTA' MATANGKASA'

⁵ Ikau a'jari pajamaya! Turuki parentana pinggawanu ri anne linoa. Gaukangi anjo parentana siagang lompo pangngali', malla', kammayatompa attojeng-tojeng, sanrapang angkanaya anjo sikammaya nugaukangi mae ri KalenNa Almasi.

EFESUS 6:5 Referans Kwoze

EFESUS 5:22

Ikau tu bai'-bainea, paralluko tundu' mae ri bura'nennu, sangkamma tundu' mae ri Batara makoasaya.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

1 PETRUS 3:2

lanri nacini'namo panggaukang baji'nu siagang lambusu'nu.

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!

FILIPI 2:12

Lanri kammana, sikamma sari'battang sannaka kukarimangnginna, antekamma batenu tuli mannuruki ri nakke ri wattu niakku ri tangnga-tangnganu, sangkamma tomminjo kamma-kamma anne, ri wattunta assikabellai, paralluko mannuruki ri nakke. Le'ba' mako nipasalama' ri Allata'ala. Lanri kammana, paralluko tuli usaha, sollanna a'jari sukku' kasalamakkannu. Gaukammi anjo sikammaya siagang malla' siagang mannuruki mae ri Allata'ala;

PAMMUJI 86:11

Kiajarakka' mae ri erotTa, o, Batara, sollanna kupinawang siagang majarre'; Kiajaria' a'jari tumappilangngeri sibatu pa'mai'.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

1 KORINTUS 7:22

Nasaba' punna nia' se're ata tappa'mi mae ri Batara, anjo taua a'jarimi umma'Na Batara siagang a'jarimi tau bebasa'. Na punna nia' tu bebasa' a'jari tappa'mo mae ri Batara, a'jarimi atanNa Almasi.

MATIUS 8:9

Nasaba' manna inakke amminawang turu' tonja' ri parentana komandang irateangangku. Irawangangku nia' todong siapa are kupimping surudadu, amminawang turuka todong ri parentaku. Punna nia' surudadu kusuro angkana, ‘A'lampako,’ tena ta'lampana. Yareka punna kukana ri maraenganga, ‘Maeko anrinni,’ tena tabattuna mae; kammayatompa punna kuparenta tunisuro-suroku angkana, ‘Gaukangi anne!’ tena tanagaukanna anjo kupassuroanga.”

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

PA'JARIANG 16:9

Nakanamo anjo malaekaka, “Ammotere'mako mae ri ia siagang layani ammotere'.”

EFESUS 6:24

Poro Nabarakkaki ngasengko Allata'ala, ikau mangngamaseanga mae ri Batarata Isa Almasi, iamintu pangngamaseang tenaya nammari-mari rinrana. Sallangku, Paulus

PAMMUJI 123:2

Sanrapang sitau ata ta'gentunga tallasa'na ri karaenna, siagang sitau ata baine mae ri karaeng bainena, kammaminjo batena attayang ikambe, o, Batara, Allata'alana ikambe, sa'genna Kikamaseang ikambe.

1 PATTOTTORANG 29:17

Kuassengi angkanaya Kiso'ri massing-massing atinna taua, siagang Kingai tau tangkasaka atinna. Lalang ati matulusu' siagang sannang nakupassareang yangasenna anne mae ri Katte. Kusa'bimi antekamma batena a'rappungang ummatTa anrinni angngerang passare mae ri Katte situlusu' atinna.

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

2 KORINTUS 7:15

Kamma-kamma anne pila' lompomi pangngamaseanna mae ri kau ngaseng. Nasaba' nau'rangi antekamma ero'nu ngaseng ampilangngeri kananna. Kammayatompa lompona ngaseng pangngali'nu mae ri ia ri wattunna nutarima.

1 KORINTUS 2:3

Sanna' lammana kalengku siagang annekkerekka' napakamma malla' ri wattungku nia' ri tangnga-tangnganu ngaseng.

LAMPA-LAMPANA 2:46

Allo-allona ke'nanga tuli a'rappungang ri Balla'Na Batara; kammayatompa a'le'ba'-le'basaki ke'nanga assama-sama angnganre ri balla'na. Na rannu pa'mai' siagang tuna pa'mai' ngasengi ke'nanga.

MATIUS 6:22

“Anjo mataya rapangi sulo ri batangkalea. Punna tangkasaki siagang corai matannu, singara' ngaseng tommi antu sikontu batangkalennu.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.