EFESUS 6:4 - KITTA' MATANGKASA'

⁴ Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

EFESUS 6:4 Referans Kwoze

KOLOSE 3:21

Ikau ngaseng a'jari manggea! Teako pa'ri'-pa'risi pa'mai'na ana'-ana'nu, sollanna tena a'jari la'ba pa'mai'na.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

PANGNGEBARANG 19:18

Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.

PAOLE 6:7

Pangngajarrangi mae ri ana'-ana'nu. Parallui nucaritakang ilalang ri balla'nu siagang ri pantarang balla'nu, wattunnu ammari-mari siagang ri wattunnu anjama.

PANGNGEBARANG 29:17

Ajaraki ana'nu, nanasareko kasannangngang, siagang a'jari panynyaleori ri kau.

2 TIMOTIUS 3:15

Musti nuu'rangi angkanaya battu ri ca'dinu iji nanuassennamo Kittaka. Anjo Kittaka akkulleko nasare pangngassengang untu' anggappai kasalamakkanga tete ri katappakkang mae ri Isa Almasi.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

2 TIMOTIUS 1:5

Kuu'rangi katappakkang tojeng-tojennu mae ri Almasi, sangkamma katappakkang nene'nu Lois siagang amma'nu Eunike. Na kupatappakko angkanaya kamma tongi anjo katappakkannu.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”

1 PATTOTTORANG 29:19

Kisarei Salomo, ana' bura'neku, kaerokang attojeng-tojenga untu' anturuki sikontu parentaTa, siagang untu' ambangungi anjo balla' sambayanga, ia le'bakamo kupa'nia' parsadiaanna.”

EFESUS 6:3

iamintu: “Sollanna numate'ne siagang la'bu umuru'nu ri lino.”

HAKING-HAKING 13:12

Akkuta'nammi Manoah angkana, “Punna kajariang sallang anjo apa le'baka nipau apa musti nigaukang ri anjo anaka? Antekamma sallang katallasanna?”