EFESUS 6:21 - KITTA' MATANGKASA'

²¹ Sari'battantapa Tikhikus, iamintu palayang majarreka ri jama-jamanNa Batara, ampauangko sikontu passala'na batangkalengku; sollanna akkulle nuasseng antekammai jama-jamangku siagang batangkalengku.

EFESUS 6:21 Referans Kwoze

LAMPA-LAMPANA 20:4

A'lampami siagang Sopater, ana'na Pirus battua ri Berea; nia' tommi amminawang Aristarkhus, Sekundus tu battu ri Tesalonika, siagang Gayus, tu Derbe. Kammayatompa Timotius, Tikhikus siagang Trofimus, battua ngaseng ri daera Asia.

2 TIMOTIUS 4:12

Kusuromi Tikhikus a'lampa mange ri Efesus.

TITUS 3:12

Punna battumo Artemas yareka Tikhikus kusuro mae ri kau, akkaro-karo mako battu mae ri nakke ri Nikopolis, nasaba' erokka' ammantang anjoreng sa'genna le'ba' wattu dinginga.

2 PETRUS 3:15

Pakemi anjo kasa'barranNa Batara a'jari kasampatang Napassareang mae ri kau sollannu akkulle salama'. Kamma tomminjo le'baka napau Paulus lalang sura'na mae ri kau. Pangngajara' battu ri Allata'ala nanatulisi' Paulus anjo kana kammaya mae ri kau.

1 PETRUS 5:12

I Silas ambantua' nakupare' anne sura' bodoa bonena. Kubilangi Silas tu Karisteng tamamminraya. Erokka' ampakamajuko siagang ampakajarreki tappa'nu angkanaya anne apa kutulisika biritta kammatojeng ri sesena passare lammoro'Na Allata'ala. Paralluko anna'gala' jarre' mae ri anjo passare malammoroka.

FILEMON 1:16

Kamma-kamma anne teaimi poro pajama-jamannu bawang; mingka la'biangampa pole. A'jarimi paranta tu Karisteng sannaka nikamaseanna. Nasaba' sanna' lompona todong matu-matunna mae ri nakke; la'biangampa pole mae ri kau, tantu la'bi lompoangangi matu-matunna. Baji' na'jari pajama-jama, kammayatompa na'jari sari'battang lanri Batara!

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

KOLOSE 1:7

Anjo birittaya Epafras ampabattui mae ri kau, bela nakamaseanga ikambe. Ia pajama-jamaNa Almasi, attojeng-tojenga anjama untu' kaparalluanta.

1 KORINTUS 4:17

Iami anjo nakusuromo Timotius battu mae ri kau ngaseng. Salaku tumminawang ri Almasi, sangkammai ana' kalengku, kukamaseanga. Iami ana' akkullea nipatappa'. Iami lampakaingakko ri passala'na katallassang kupinawanga ri wattungku a'jari tappa'mo mae ri Almasi; iamintu katallassang le'baka kupangngajarrang mae ri sikontu jamaah niaka ri kere-keremae.

FILIPI 1:12

Kukellai nuasseng ngaseng, angkanaya passabakkang iaminne apa-apa kajariang mae ri kalengku, napila' jaimo tau allangngereki siagang ampatappaki Kabara' Bajika.