EFESUS 6:18 - KITTA' MATANGKASA'

¹⁸ Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

EFESUS 6:18 Referans Kwoze

1 TESALONIKA 5:17

tuli appala' doangko mae ri Allata'ala.

KOLOSE 4:2

Paralluko tamalanrea appala' doang siagang a'jaga-jaga, kammayatompa appala' sukkuru' mae ri Allata'ala.

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

1 TIMOTIUS 2:1

Marioloangannaya, kupala' dudui mae ri kau sollanna nupangnganrokang nupassambayangang, nupappala' doangang siagang nupappala' sukkurang mae ri Allata'ala sikontu taua;

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

MARKUS 14:38

Nampa Nakana Isa ri ke'nanga, “A'jaga-jagako siagang appala' doangko sollanna tena natabako paccoba. Memang ero'ji nyawanu a'gau' tojeng, mingka tanukulleai nasaba' sipa'na rupataua lammai.”

LUKAS 21:36

A'jaga-jagako, siagang tuli appala' doangko sollanna numajarre' andallekangi sikamma anjo apa lakajarianga, siagang nukkulle andallekang ri Ana' Ma'rupataua.”

MATIUS 26:41

A'jaga-jaga mako siagang appala' doang mako, sollanna tena nanukasiaki paccobaya. Ero' memanji nyawaya anggaukangi tojenga, mingka tamakkulleai tubua lanri lammana.”

DANIEL 9:20

Tulusu' appala' doamma' siagang kuanimi dosaku kammayatompa dosana bansaku Israel. Appala' doang tonga' mae ri Karaeng Allata'alaku sollanna Napakabaji' ammotere' balla' matangkasa'Na.

EFESUS 1:16

tenamo tappu'-tappukku appala' sukkuru' mae ri Allata'ala lanri ikau ngaseng. Tuli kupauna arennu ri wattungku appala' doang.

PAMMUJI 6:9

Bella ngasengko, he ikau tu ja'dalaka, saba' Nalangngere'mi Batara karrukku.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

MARKUS 13:33

Jari paralluko a'jaga-jaga siagang tutu, nasaba' tena nuassengi ringngapanna wattunna.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

LAMPA-LAMPANA 1:14

Tuli a'julu atimi a'rappungang ke'nanga untu' appala' doang siagang bai'-bainea, siagang Maria amma'Naya Isa, kammayatompa sikamma sari'battanNa ngaseng Isa.

LUKAS 22:46

Nakanamo ri ke'nanga, “Angngapa nuttinro ngaseng? Ambangung ngaseng mako nai' appala' doang, sollanna tena natabako paccoba.”

PAMMUJI 4:1

Untu' pamimping pakelonga. Nirurungangi ri kacapi. Pammujina Daud.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

2 TIMOTIUS 1:3

Appala' sukkurukka' mae ri Allata'ala Ia kulayania situlusu'na ati mailalangku, sangkammaya nagaukanga boeku riolo. Punna kuu'rangiko lalang ri pappala' doangangku allo bangngi tuli appala' sukkurukka' mae ri Allata'ala.

FILIPI 1:4

Siagang punna kupappala' doangang ngasengko, teai sipato' sannanna atingku.

1 KARAENG-KARAENG 8:52

Tapporo iKatte o Karaeng Allata'ala, tuli Kiparhatikangi ummatTa Israel siagang karaenna. Siagang poro Kipilangngeri pappala' doanna ke'nanga kere-kere wattu nakkio' appala' tulung mae ri Katte.

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

1 KARAENG-KARAENG 8:54

Kammaminjo Salomo appala' doang nakkulantu' ri dallekanna tampa' pakkoro'bangnganga siagang napatara limanna nai'. Le'baki anjo ammentemmi,

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

LAMPA-LAMPANA 12:5

Jari nitahammi rolong Petrus lalang ri tarungkua; mingka tuli appala' doang dudumi sikontu jama'aka mae ri Batara sollanna Narurungangi Petrus.

HOSEA 12:4

Baku' lalanna ija ri battanna amma'na anjo Yakub, iamintu boe-boena ke'nanga, nanalacci' memammo sari'battang kambara'na iamintu Esau; na ri wattunna lompomo, a'lagami Yakub siagang Allata'ala.

DANIEL 6:10

Jari natekemmi Karaeng Darius anjo sura' parentaya.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

1 KARAENG-KARAENG 8:59

Poro Batara, Allata'alata, tuli Nau'rangi pappala' doanta le'baka nipabattu mae ri Ia. Poro tuli Napappicinikangi kalammoranNa mae ri umma' Israel siagang karaenna, na Nasare ke'nanga apa naparalluanga ke'nanga allo-allo.

FILEMON 1:5

Nasaba' kulangngere'mi kabara'nu angkanaya nukamaseangi sikontu umma'Na Allata'ala, siagang tappa' tojeng-tojeng mako mae ri Batara Isa.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

ESTER 4:8

Napassareang tommi Mordekhai mae ri Hatah salinanna anjo sura' le'baka napasulu' karaenga ri kota Susan, iamintu parenta untu' amputtai nisuro buno tu Yahudia. Nasuromi Hatah ampassareangi anjo suraka mae ri Ester siagang napakasingara' anjo passalaka mae ri ia. Nasuro pala' tommi sollanna mange Ester andallekang ri karaenga untu' ampappalakkangi pangngamaseang bansana.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LAMPA-LAMPANA 6:4

nasaba' eroka lanajama ikambe iamintu appala' doanga siagang ampabattui kana-kananNa Allata'ala.”

EFESUS 3:18

Appala' doanga' mae ri Allata'ala nuporo siagang ngaseng sikontu Umma'Na Allata'ala, akkulle ampahangi antekamma luara'na siagang la'buna, kammayatompa antekamma tinggina siagang lantanna pangngamaseanNa Almasi,

EFESUS 3:8

Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

EFESUS 2:22

Lanri asse'remi katallassannu lalang ri Almasi, kamma-kamma anne nipasibangung tommako siagang tau maraenga, a'jari se're balla' untu' Allata'ala; anjoremmi ammantang Allata'ala siagang RohNa.

GALATIA 4:6

Nasaba' ana'-ana'Naki' Allata'ala, Nasuromi RohNa Ana'Na Allata'ala antama' ri atinta; iamintu Roh angkanaya, “Bapakku, o Bapakku.”

KOLOSE 1:3

Nalangngere'mi ikambe angkanaya tappa' mako mae ri Isa Almasi; kammayatompa mangngamaseang mako mae ri sikamma Umma'Na Allata'ala. Iaminjo saba'na, na ri wattunnu kipappala' doangang, appala' sukkuru' maki' mae ri Allata'ala, ManggeNa Batarata Isa Almasi.

1 SAMUEL 1:12

Sanna' sallona Hana appala' doang, naniparhatikang bawana ri Eli anjo bainea.

MATIUS 17:21

Mingka anne roh ja'dala' kammaya pappala' doangang siagang puasaji bawang akkulle ampasuluki.]”