EFESUS 6:14 - KITTA' MATANGKASA'

¹⁴ Paralluko tuli jaga-jaga. Pakei katojenganga sanrapang passikko' aya'nu, siagang katangkasanga sanrapang pa'lapa' barambannu.

EFESUS 6:14 Referans Kwoze

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

YESAYA 11:5

Adeleki siagang majarreki angngalle tindakang lalang sikamma apa-apaya.

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

1 PETRUS 1:13

Lanri kammana, paralluko tuli a'jaga-jaga. Tutuko siagang manrannuang tojeng-tojengko mae ri barakka' lanipassareanga mae ri kau ri wattunna battu Isa Almasi sallang.

2 KORINTUS 6:7

lalang koasaNa Allata'ala nanibirittakang kabara' battua ri Allata'ala; na lanri kammanami anjo nanapappicinikammo ikambe angkanaya ikambe anne ma'nassa atanNaki' Allata'ala. Anna'gala' jarre' maki' mae ri ero'Na Allata'ala. Iaminjo a'jari kagassinganna ikambe untu' langngewa yareka lanjagai kalenta punna battu mae musu lammanrakia.

EFESUS 5:9

Nasaba' battu ri iaminjo singaraka ammumba sikontu gau' bajika siagang gau' annabaya ri dallekanNa Allata'ala.

PAPPICINI' 9:17

Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

PAPPICINI' 9:9

Barambanna ke'nanga nilapakki apa-apa sangkammaya baju bassi. Sa'ra ka'nyi'na sangkammai sa'ra kareta nibesoka ri jarang, sannaka jaina maju lalang ri pa'bundukanga.

AYUB 29:14

Lambusuki gaukku, tena callangku; kupaentengi kaadelanga situlina.

ROMA 13:12

A'birimmi allalo bangngia; natasalloami nasingara'. Jari, baji' maki' ammari anggaukangi gau'-gau' sassanga. Parallui nipipakei kalenta sanjata singaraka.

EFESUS 6:13

Lanri kammana, anne kamma pake ngasemmi sikontu sanjataNa Allata'ala sollannu akkulle angngewai musua ri allo-allo kaja'dallanga anne. Sollanna punna le'ba' mako a'bundu' sa'genna kala'busang, tuli makassa' ijako.

2 KARAENG-KARAENG 3:21

Nalangngere'na tu Moab angkanaya nia'mi battu anjo tallua karaeng ero' ambunduki ke'nanga, sikontu taua – battu ri kaminang toaya sa'genna kaminang loloa – ia akkullea ammisang sanjata, nipagio' kabusu'mi nampa nipamange ri daera pa'baeng-baenga.